قازاقستان سىرتقى ىستەر مينيسترلىگى ازاتتىقتىڭ 36 تىلشىسىنە اككرەديتاسيا بەرمەي جاتىر. بيىل قازاقستاننىڭ سىرتقى ىستەر مينيسترلىگى ازاتتىق تىلشىلەرىنە اككرەديتاسيا بەرمەيتىنىن حابارلاعان. بۇل تۋرالى ازاتتىق سايتى جازدى.
ازاتتىق رەداكسياسى بارلىق قۇجاتتاردى بىرنەشە رەت جانە ۋاقىتىلى تاپسىرعان. ەرەجەگە سايكەس، سىرتقى ىستەر مينيسترلىگى شەتەل اقپارات قۇرالىنىڭ تىلشىسىنە اككرەديتاسيا بەرۋ نەمەسە بەرمەۋ تۋرالى شەشىمدى ءوتىنىش تۇسكەن كۇننەن باستاپ ەكى اي ىشىندە قابىلداۋى كەرەك. اككرەديتاسيا بەرىلمەگەن جاعدايدا مينيسترلىگىن شەشىمىن نەگىزدەۋى ءتيىس.
ال ازاتتىق ءوز مۇددەسىن سوتتا قورعايتىنىن حابارلادى.
بۇعان دەيىن ەلىمىزدەگى اككرەديتاسيا الماعان شەتەل اقپارات قۇرالدارىنىڭ قىزمەتىنە تىيىم سالۋ تۋرالى ۇسىنىس تۇسكەن. ماسس-مەديا تۋرالى جاڭا زاڭعا شەتەلدىك بۇقارالىق اقپارات قۇرالدارى مەن ولاردىڭ جۋرناليستەرىن اككرەديتتەۋ ەرەجەلەرىنە قاتىستى تۇزەتۋلەر ەنگىزىلمەك. دەپۋتاتتار ۇسىنعان وزگەرىستەر سىرتقى ىستەر مينيسترلىگىنە «قازاقستان رەسپۋبليكاسىنىڭ ۇلتتىق قاۋىپسىزدىگىنە قاتەر تونگەن جاعدايدا» شەتەلدىك ب ا ق وكىلدىكتەرى مەن ولاردىڭ جۋرناليستەرىن اككرەديتتەۋدەن باس تارتۋ قۇقىعىن بەرەدى.
پىكىر قالدىرۋ