الماتىداعى جەر سىلكىنىسى تۋرالى دابىل حابارلاۋى ءتيىس فيرما نۇرالي الييەۆتىكى بولىپ شىقتى.

نۇرالى الييەۆ داريعا نازاربايەۆا مەن مارقۇم راحات الييەۆتىڭ ۇلى. ول بۇعان دەيىن استانا قالاسى اكىمىنىڭ ورىنباسارى بولىپ قىزمەت ەتكەن.

سول نۇرالى تەندەر ارقىلى 1،1 ملرد تەڭگە اقشا العان، ءبىراق موينىنا العان جۇمىستىڭ ءبىرىن دە اتقارماعان سياقتى.

Nege.Aqsha تاراتقان دەرەك بويىنشا، نۇرالى الييەۆكە قارايتىن TNS-INTEC كومپانياسى الماتىداعى جەر سىلكىنىسى كەزىندە حالىققا دابىل قاعاتىن اۆتوماتتاندىرىلعان جۇيە جاساۋى ءتيىس ەدى. بۇل كومپانيا مەملەكەتتىك تاپسىرىستان 1،1 ملرد تەڭگە كولەمىندە تەندەر ۇتىپ العان. كەلىسىلگەن اكت بويىنشا ءىس ءبىتىپ، جوبا تاپسىرىلعانىمەن، جەر سىلكىنىسى كەزىندە دابىل قۇرىلعىلارى ىسكە قوسىلمادى. الييەۆ ءۇشىن حالىقتىڭ جاعدايى ءبىر سوم بوپ تۇرعانى عوي.

بۇل الييەۆتىڭ تاعى استاناداعى LRT جوباسىنىڭ اقشاسىن جىمقىرۋ داۋىنا قالعانى بار. ودان بولەك، «ترانستەلەكومدى» مەنشىگىنە العانى بار. «كازگەولوگيا» تەندەرىنە قاتىسىپ، شارت بويىنشا مينەرالدى رەسۋرستاردىڭ اقپاراتتىق بازاسىن ازىرلەپ بەرۋى ءتيىس ەدى، ول شارۋاسى دا اياقسىز قالدى.

نۇرالى الييەۆتى جازالاۋعا «جاڭا قازاقستاننىڭ» كۇيى نەگە كەلمەي وتىر؟!