ءماجىلىستىڭ جالپى وتىرىسىندا دەپۋتاتتار ايەلدەر مەن بالالاردىڭ قۇقىعىن قورعايتىن زاڭ مەن وعان ىلەسپە زاڭ جوباسىن قاراۋعا كىرىستى.
وتىرىستا «قازاقستاننىڭ كەيبىر زاڭنامالىق اكتىلەرىنە ايەلدەردىڭ قۇقىعى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» نەگىزگى زاڭ جوباسى جانە قازاقستاننىڭ اكىمشىلىك قۇقىق بۇزۋشىلىق تۋرالى كودەكسىنە ايەلدەردىڭ قۇقىعى مەن بالالاردىڭ قاۋىپسىزدىگىن قامتاماسىز ەتۋ ماسەلەسى بويىنشا وزگەرىستەر مەن تولىقتىرۋ ەنگىزۋ تۋرالى ىلەسپە زاڭ جوباسى قارالدى.
ماجىلىستەگى الەۋمەتتىك-مادەني دامۋ كوميتەتىنىڭ ءتوراعاسى اسحات ايماعامبەتوۆ زاڭ جوبالارى دەپۋتاتتاردىڭ باستاماسىمەن ازىرلەنگەنىن اتاپ ءوتتى.
دەپۋتاتتار زاڭ جوباسىندا كەلەسى نەگىزگى نورمالاردى ەنگىزۋدى ۇسىنىپ وتىر:
بىرىنشىدەن، ۇرىپ-سوعۋدى جانە دەنساۋلىققا جەڭىل زيان كەلتىرۋدى، قازىرگى اكىمشىشىك جاۋاپكەرشىلىكتەن قىلمىستىق جاۋاپكەرشىلىككە جاتقىزۋ، جانە جازاسىن الدەقايدا قاتاڭداتۋ؛
ەكىنشىدەن، جابىرلەنۋشىنىڭ ءوتىنىشىن كۇتپەي-اق، زورلىق-زومبىلىق تۋرالى ب ا ق نەمەسە ونلاين پلاتفورمالارداعى اقپارات نەگىزىندە ءتيىستى شارالار قابىلداۋ قۇقىعىن بەرۋ؛
ۇشىنشىدەن، وتباسىندا زورلىق-زومبىلىق جاساعان ادامداردىڭ اگرەسسيۆتى مىنەز-قۇلقىن وزگەرتۋ ءۇشىن، سوتقا پسيحولوگيالىق كومەك كورسەتۋدى مىندەتتەۋ ۋاكىلەتتىلىگىن بەرۋ.
ودان بولەك، بالالاردىڭ ءقۇقىعىن قورعاۋعا قاتىستى تومەندەگىدەي ءبىرقاتار ۇسىنىس جاسالدى:
- پەدوفيلدەردى ءومىر بويى باس بوستاندىعىنان ايىرۋ؛
- Cءۋيسيدتى ناسيحاتتاۋ، نەمەسە سۋيسيدكە يتەرمەلەۋ ءۇشىن قىلمىستىق جاۋاپكەرشىلىك ەنگىزۋ؛
- بالالارعا ارنالعان ينتەرناتتىق ۇيىمدارعا الدىن-الا ەسكەرتپەي، كەز-كەلگەن ۋاقىتتا ولاردى تەكسەرۋ جانە تاعى باسقا ماڭىزدى نورمالار.
پىكىر قالدىرۋ