استانادا ءۇي پودەزىندە بالالاردى ساباپ، قىلقىندىرعان 30 جاستاعى ەر ادام ۇستالدى. استانا قالاسىنىڭ پوليسيا دەپارتامەنتى بۇل اقپاراتتى راستادى، دەپ جازادى Qamshy.kz اقپارات اگەنتتىگى.
وقيعا قالاداعى "ەدەم پالاس 2" تۇرعىن ءۇي كەشەنىندە بولعان.
"بايقوڭىر اۋدانىنىڭ پوليسيا باسقارماسى بۇل دەرەك نەگىزىندە تۇرعىن ءۇي كەشەنىنىڭ 30 جاستاعى تۇرعىنىن انىقتاپ، ۇستادى. بۇزاقىلىق فاكتىسى بويىنشا قىلمىستىق ءىس قوزعالدى. سوتقا دەيىنگى تەرگەۋ جۇرگىزىلىپ جاتىر"، - دەپ جازىلعان حابارلامادا.
استانادا بولعان قىلمىستىڭ ۆيدەوسى كەشە تاراعان. ۆيدەونى الەۋمەتتىك جەلىگە بلوگەر ناسيما قورعانبەكوۆا ءبولىستى. ۆيدەودا ەر ادامنىڭ بالالاردى ۇرىپ-سوعىپ، قىلعىندىرعانىن كورۋگە بولادى.
پىكىر قالدىرۋ