الماتى وبلىسىنىڭ پروكۋراتۋراسى تالعار اۋدانىنداعى مەكتەپتەردىڭ بىرىندە ەسەپشىنىڭ جالاقىعا ارنالعان بيۋدجەت قاراجاتىن ۇرلاۋ فاكتىسىن انىقتادى.

"بۇل قۇقىق بۇزۋشىلىق مەكتەپتە جۇمىس ىستەمەيتىن قىزمەتكەرلەرى مەن ولاردىڭ تۋىستارىنا اقشا اۋدارۋ ارقىلى جاسالعان. الدىن الا كەلتىرىلگەن شىعىن 90 ميلليون تەڭگەدەن اسادى جانە شىعىن ءالى ەسەپتەلىپ جاتىر"، دەلىنگەن قۇزىرلى ۆەدومستۆو حابارلاماسىندا.

اتالعان فاكتى بويىنشا وبلىس پروكۋراتۋراسى قازاقستان رەسپۋبليكاسى  قىلمىستىق كودەكستىڭ 189 بابى 2-بولىگى 4-تارماعى بويىنشا قىلمىستىق ءىس قوزعالىپ (سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ) تەرگەۋلىگى بويىنشا الماتى وبلىسى بويىنشا ەكونوميكالىق تەرگەۋ باسقارماسىنا جولداندى.

سونداي-اق وبلىستىق پروكۋراتۋرا الدىندا وسىعان ۇقساس فاكت ەڭبەكشىقازاق اۋدانىندا دا انىقتالىپ، تەرگەۋ قورىتىندىسى بويىنشا مەكتەپ ەسەپشىسى تەرگەۋ ساتىسىندا 10 ميلليون تەڭگەدەن استام شىعىندى وتەگەنىن جەتكىزدى.