ەنەرگەتيكا مينيسترلىگى "باعاسى مەملەكەتتىك رەتتەۋگە جاتاتىن ستاسيونارلىق جانار-جاعارماي قۇيۋ بەكەتتەرىندەگى مۇناي ونىمدەرىن وتكىزۋدە بولشەك ساۋداداعى شەكتى باعالاردى بەلگىلەۋ تۋرالى" بۇيرىققا ءتيىستى تۇزەتۋلەر ەنگىزەتىن نورماتيۆتىك جوبانى ازىرلەدى.
اتالعان جوباعا سايكەس، ديزەل وتىنىنىڭ (جازعى، ماۋسىمارالىق) بارلىعىنا (قازاقستاندىقتار ءۇشىن دە، شەتەل ازاماتتارى ءۇشىن دە) 1 ءليترى 295 تەڭگە بولۋى ءتيىس.
قۇجاتتى ازىرلەگەن ماماندار بۇگىنگى تاڭدا ەلىمىزدە جانار-جاعارماي شىعاراتىن زاۋىتتار مەن مۇناي بازالارىندا ديزەل وتىنىن تاراتپاي، تەجەۋ ۇستاپ فاكتىسى كەزدەسەتىنىن ايتادى. سەبەبى وندىرۋشىگە تاۋارىن قىمباتقا وتكىزۋ الدەقايدا ءتيىمدى. ال ءوز كەزەگىندە بۇل جايت تاپشىلىقتى قولدان تۋدىرۋعا ىقپال ەتۋدە. سوندىقتان ەل ازاماتتارى شەتەلدىك جۇرگىزۋشىلەر ءۇشىن بەلگىلەنگەن باعامەن ديزەل وتىنىن قىمباتقا ساتىپ الۋعا ءماجبۇر.
ايتا كەتسەك، بۇگىندەرى شەتەلدىك كولىك يەلەرى ءۇشىن جازعى ديزەل وتىنىنىڭ قۇنى 450 تەڭگە، ال قازاقستاندىقتار ءۇشىن 295 تەڭگە.
جوبا 2024 جىلعى 28 اقپانعا دەيىن قوعامدىق تالقى ءۇشىن "اشىق نقا" سايتىنا ورنالاستىرىلدى.
پىكىر قالدىرۋ