دۇنيەجۇزىلىك بانك بۇل تۋرالى "قازاقستان ەكونوميكاسى تۋرالى – 2023-2024 جىلعى قىس" بايانداماسىندا ايتتى.

    – 2000-2007 جىلدارى ءوندىرىس فاكتورلارىنىڭ جيىنتىق ونىمدىلىگى جىلىنا ورتا ەسەپپەن 4،5% ايتارلىقتاي وسكەنىمەن 2012-2022 جىلدارى جىلىنا 0،9%-عا دەيىن تومەندەدى. شىن مانىندە، بۇل قازاقستان ءۇشىن قۇر جوعالعان ونجىلدىق بولدى، – دەلىنگەن حابارلامادا. 

    قۇجاتتا سونىمەن قاتار قازاقستانداعى ونىمدىلىكتىڭ تومەندىگى مەن ەكونوميكانىڭ قۇرىلىمدىق كەمشىلىكتەرىنە بايلانىستى ۇستامدى ءوسۋدى كورسەتىپ وتىرعانى ايتىلعان.

   ەڭ ايقىن كەمشىلىك – بۇل ءجىو-نىڭ 2007 جىلعا دەيىن 26%-دان كەيىنگى ونجىلدىقتا كۇردەلى ينۆەستيسيالار 23% ازايعانى. دۇنيەجۇزىلىك بانكتىڭ مالىمەتىنشە، قازاقستان عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا (عزتكج) از قاراجات بولەدى. ال تابىسى ورتاشادان جوعارى ەلدەردىڭ ورتاشا كورسەتكىشىنەن دە از. سەبەبى 2008-2009 جىلدارداعى بانكتىك داعدارىس كومپانيالار ءۇشىن نەسيە اعىنىنا كەدەرگى كەلتىرگەن.

    – ناقتى ماعىنادا 2022 جىلى بيزنەستى نەسيەلەندىرۋ قورى 2007 جىلعى دەڭگەيدەن شامامەن 35 پايىز از بولدى، – دەلىنگەن حابارلامادا.