"ق ر ۇكىمەتىنىڭ قاۋلىسىمەن مەرەكە قۇدايبەرگەن ۇلى پىشەمبايەۆ بەرگەن وتىنىشىنە سايكەس ق ر توتەنشە جاعدايلار ۆيسە-مينيسترى قىزمەتىنەن بوساتىلدى"، دەلىنگەن ۇكىمەتتىڭ باسپا ءسوز قىزمەتى تاراتقان حابارلامادا. 

مەرەكە پىشەمبايەۆ 1962 جىلى پاۆلودار وبلىسىندا دۇنيەگە كەلگەن. وسكەمەن جول-قۇرىلىس ينستيتۋتىن، قازاق مەملەكەتتىك باسقارۋ اكادەمياسى جانىنداعى نارىق ينستيتۋتىن، رف پرەزيدەنتى جانىنداعى رەسەي مەملەكەتتىك قىزمەت اكادەمياسىن بىتىرگەن.

ەڭبەك جولىن 1985 جىلى پاۆلودار وبلىستىق اۆتوموبيل جولدارى باسقارماسىنىڭ ماي اۋداندىق اۆتوموبيل جولىندا اعا جول شەبەرى، باس ينجەنەر بولىپ باستاعان.

1986-1996 جىلدارى ارالىعىندا كۆازيمەملەكەتتىك سەكتوردا ءتۇرلى لاۋازىمداردى اتقارعان.

1997-2000 جىلدارى ارالىعىندا ق ر كولىك جانە كوممۋنيكاسيالار مينيسترلىگىندە باسشىلىق لاۋازىمدارىندا ەڭبەك ەتكەن. 

2000-2002 جىلدارى — سولتۇستىك قازاقستان مەملەكەتتىك اۆتوموبيل جولدارى مەكەمەسىندە ديرەكتور، باسقارما باسشىسى.

2002-2013 جىلدارى — ق ر كولىك جانە كوممۋنيكاسيالار مينيسترلىگىنىڭ اۆتوموبيل جولدارى جانە ينفراقۇرىلىمدىق كەشەن قۇرىلىسى كوميتەتىنىڭ «قازاقاۆتوجول» رەسپۋبليكالىق مەملەكەتتىك كاسىپورنىنىڭ باس ديرەكتورى. 

2013-2014 جىلدارى — ق ر كولىك جانە كوممۋنيكاسيالار ۆيسە-مينيسترى. 

2014-2019 جىلدارى — ق ر ينۆەستيسيالار جانە دامۋ مينيسترلىگىنىڭ اۆتوموبيل جولدارى كوميتەتىنىڭ ءتوراعاسى. 

2019-2020 جىلدارى —  ق ر يندۋستريا جانە ينفراقۇرىلىمدىق دامۋ مينيسترلىگىنىڭ جاۋاپتى حاتشىسى. 

2020 جىلدان باستاپ قازىرگى ۋاقىتقا دەيىن ق ر توتەنشە جاعدايلار ۆيسە-مينيسترى قىزمەتىن اتقاردى.