ياعني، ەندى قازاقستاندىقتار جالپى پراكتيكا دارىگەرىنىڭ جولداماسىنسىز بەيىندى مامانداردىڭ قابىلداۋىنا تىكەلەي جازىلا الادى. دەنساۋلىق ساقتاۋ مينيسترلىگى ەمحانادا مەديسينالىق كومەك كورسەتۋدى جاقسارتۋ ءۇشىن بۇيرىقتار مەەن ستاندارتتارعا وزگەرىستەر ەنگىزىپ جاتىر. 

   مينيسترلىكتىڭ مالىمەتىنشە، ناۋرىز ايىنان باستاپ، مىناداي جۇمىستار جوسپارلانعان:

     - جوسپارلى ەمدەۋگە جاتقىزۋعا ارنالعان تالداۋلار تىزبەسىن 42 زەرتتەۋگە قىسقارتۋ - ولاردىڭ قولدانىلۋ مەرزىمىن 10 كۇننەن 14 كۇنگە دەيىن 1 ايدان 3 ايعا دەيىن ارتتىرۋ.

     ءساۋىر ايىنان باستاپ:

    - بەيىندى ماماندارعا تىكەلەي جۇگىنۋ تاسىلدەرى جەتىلدىرىلەتىن بولادى. پاسيەنت مىنا جاعدايلاردا جالپى پراكتيكا دارىگەرىنىڭ جولداماسىنسىز بەيىندى ماماندارعا جۇگىنە الادى؛

    - شۇعىل جاعدايلار مەن جاراقاتتا، ونىڭ ىشىندە وفتالمولوگيالىق جانە باسقا دا جاراقاتتار؛

     - شۇعىل جانە ستاموتولوگيالىق كومەك كورسەتۋ؛

     - دەرماتوۆەنەرولوگيالىق بەيىندەگى اۋرۋلار؛

     -  تىركەلگەن جەرى بويىنشا اكۋشەر-گينەكولوگقا جانە پسيحولوگتىڭ قابىلداۋلارى؛   

     -  ونكولوگ جانە ونكوگەماتولوگتىڭ قابىلداۋلارى؛

      - ديسپانسەرلىك ەسەپتە تۇرعان پاسيەنتتەردى كارديولوگ ەندوكرينولوگتىڭ، وفتالمولوگتىڭ، نيەۆروپاتولوگتىڭ، حيرۋرگتىڭ قابىلداۋلارى؛

      - ونى تاعايىنداۋ بويىنشا بەيىندى ماماننىڭ قايتا قابىلداۋى؛

      - جاستار دەنساۋلىق ورتالىقتارىندا مامانداردىڭ قابىلداۋى؛

      -  جىلجىمالى مەديسينالىق كەشەندەر مەن باسقا دا ءموبيلدى قىزمەتتەردىڭ قىزمەت كورسەتۋى كەزىندە جۇزەگە اسىرىلادى.

     سونىمەن قاتار ساۋىردەن باستاپ ديناميكالىق باقىلاۋ ءتارتىبى جانە جالپى پراكتيكا دارىگەرى مەن بەيىندى مامانداردىڭ بىرلەسكەن جۇمىس الگوريتمى قايتا قارالادى، بۇل مۋلتيديسيپلينالىق ءتاسىلدى قامتاماسىز ەتەدى. وسى جۇمىس اياسىندا ءاربىر پاسيەنت ءۇشىن تەكسەرۋ جەكە ايقىندالادى.