ول استانادا "قازاق راديولارى" وتكىزەتىن "مىڭ العىس" شاراسىنا قاتىسپاقشى.
"قازاق راديوسىنىڭ "بارمىسىڭ، باۋىرىم؟" حابارى ارقىلى اناسىن ىزدەگەن جانىبەكتىڭ ارقاسىندا 2001-2002 جىلدارى ارقالىقتا دۇنيەگە كەلگەن 4 بالانىڭ تۋعان اناسى انىقتالدى. ءبىر ۇل كانادادا، ەكى ۇل بەلگيادا جانە تاعى ءبىر ۇل قازاقستاندا تۇرىپ جاتىر"، دەلىنگەن ءسۇيىنشى حابارلامادا.
جانىبەكتىڭ اناسىنا قاتىستى زەرتتەۋ جۇمىستارى ءالى جالعاستىعىن تابۋدا.
ايتا كەتسەك، الدىندا ول قازاقستانعا كەلىپ، بىرنەشە تەلەراديوباعدارلاماعا دا قاتىسىپ، اناسىن تاپپاي كەتكەن. 21 جاستاعى ەددي جانعا دۇنيەگە كەلگەندە جانىبەك دەگەن ەسىم بەرىلگەن ەكەن. سوندىقتان بارشا قازاقستان حالقى ونى قازاقشا ەسىمىمەن قابىلداپ، وعان تىلەكشى بولۋدا. الايدا ءقازىر ەددي جان ءوزىن مۇرات دەپ اتايدى. «بارمىسىڭ، باۋىرىم؟» حابارىنىڭ جۇرگىزۋشىسى قىمبات دوسجان وعان اناسىن تابۋعا كومەكتەسىپ ءجۇر.
پىكىر قالدىرۋ