تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ سپورتتى دامىتۋ ديرەكسياسى بيىل پاريجدە وتەتىن جازعى وليمپياداعا ارنالعان قازاقستان ۇلتتىق قۇراماسىنىڭ كيىم فورماسى مەن وعان قوسىمشا كەرەك-جاراق جابدىقتاردىڭ ديزاين تۇجىرىمداماسىن ازىرلەۋگە ارنالعان اشىق كونكۋرس جاريالانعانىن حابارلادى.

    كيىمدەر سالتاناتتى راسىمگە جانە جاتتىعۋعا ارنالعان جۇپتان تۇرادى. كونكۋرس كەزىندە كەلىپ تۇسكەن جۇمىستاردى ارنايى كوميسسيا قۇرامى قاراپ، ورتاق شەشىم قابىلدايدى. جۇمىس توبىنىڭ قاتارىنا تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتى، ۇلتتىق وليمپيادا كوميتەتى، قازاقستان سپورتشىلارى وداعىنىڭ وكىلدەرى، داڭقتى سپورتشىلارىمىز بەن ب ا ق قىزمەتكەرلەرى كىرەدى. بۇل قاتاردا ەلدوس سمەتوۆ، سەرىك ساپييەۆ، ازامات داۋلەتبەكوۆ، ءجاميلا باقبەرگەنوۆا، ولگا رىپاكوۆا، ءابيبا ابۋجاقىنوۆا، اننا اليابيەۆا، نۇربەك ورالباي، نۇرسۇلتان تۇرسىنوۆتى اتاپ وتۋگە بولادى. كوميسسيا ءتوراعاسى – سپورتتى دامىتۋ ديرەكسياسىنىڭ ديرەكتورى ەرلان ەستەك، – دەلىنگەن حابارلامادا.

   كونكۋرس ەكى كەزەڭگە سوزىلادى. ەرەجە شارتتارىنا سايكەس، ءاربىر كەزەڭنىڭ جەڭىمپازى كوميسسيا وتىرىسىندا انىقتالادى.

    ءبىرىنشى كەزەڭدە، ياعني 28 اقپانداعى ساعات 20:00-دەن باستاپ 10 ناۋرىزداعى ساعات 18:30-عا دەيىن كوميسسيا كونكۋرسقا قاتىسۋشىلاردىڭ وتىنىشتەرىن، ماتەريالدارىن قابىلداپ، قارايدى.  

    ەكىنشى كەزەڭدە كونكۋرس جەڭىمپازدارى انىقتالىپ، جاريالانادى. ەكىنشى كەزەڭ 13-15 ناۋرىز ارالىعىندا بولادى.