سەنات وتىرىسىندا دەپۋتات گەنناديي شيپوۆسكيح ۇكىمەت باسشىسى ولجاس بەكتەنوۆكە ساۋال جولداپ، ەسىركى تۇتىنۋدىڭ جاڭا ۇردىسىنەن ساقتاي الماي وتىرمىز دەپ دابىل قاقتى.
- سينتەتيكالىق ەسىرتكى حالقىمىزدىڭ دەنساۋلىعىنا، ۇلتتىق تەگىمىز، ەكونوميكامىزعا، قۇقىقتىق ءتارتىپ پەن مەملەكەتتىك قاۋىپسىزدىگىمىزگە وتە ءقاۋىپتى ەكەنىن ءسوزسىز. بالالار مەن جاسوسپىرىمدەر ەڭ وسال ورتا بولعاندىقتان قاسكويلەر جاستاردىڭ ميىن ۋلاپ، سينتەتيكالىق ەسىرتكىنى قولجەتىمدى باعادا ەتىپ، ينتەرنەت مەسسەندجەرلەرىندە ەش كەدەرگىسىز ساتىپ جاتىر. بۇل كەشە-بۇگىن پايدا بولعان ماسەلە ەمەس. وسى كۇنگە دەيىن پارلامەنت مىنبەرىندە، ونىڭ ىشىندە سەناتورلار بىرنەشە رەت ناقتى ماسەلە كوتەرگەن. سونىمەن قاتار ب ا ق پەن قوعامدىق ۇيىمدار تاراپى دا وسى ماسەلەنى ۇزدىكسىز كوتەرىپ كەلەدى. ودان بولەك مەملەكەت باسشىسى 2022 جىلعى جولداۋىندا سينتەتيكالىق ەسىرتكىمەن كۇرەستى مەملەكەتتىك ساياساتتىڭ باسىم باعىتتارىنىڭ ءبىرى رەتىندە اتاپ، بۇل باعىتتا جۇمىستى كۇشەيتۋدى ءاردايىم تالاپ ەتىپ كەلەدى، – دەپ اتاپ ءوتتى ول.
سەنات دەپۋتاتى وسى سالاداعى رەسمي ستاتيستيكاعا توقتالىپ ءوتتى.
“قازاقستان رەسپۋبليكاسى باس پروكۋراتۋراسىنىڭ اقپاراتىنا سايكەس، 2021-2023 جىلدار ارالىعىندا سينتەتيكالىق ەسىرتكى زاتتارىن تاراتقانى ءۇشىن 1021 ازاماتقا قىلمىستىق ءىس قوزعالدى، ونىڭ 246-ى – 2021 جىلى، 314ء-ى – 2022 جىلى، 461ء-ى 2023 جىلى جاۋاپقا تارتىلدى. ءدال سولاي كەيىنگى ءۇش جىلدا سينتەتيكالىق ەسىرتكىنى تاركىلەۋ كولەمى 100 كەلىدەن مىڭ تونناعا دەيىن وسكەن.
سونىمەن قاتار ارنايى جانە قۇقىق قورعاۋ ورگاندارى 2021 جىلى 17، 2022 جىلى 68، ال 2023 جىلى 81 ەسىرتكى زەرتحاناسىنىڭ قىزمەتىن انىقتاپ وتىر. بۇل ءبىزدىڭ ويىمىزشا ماسقارا ستاتيستيكا”، – دەپ دابىل قاقتى ول.
گەنناديي شيپوۆسكيح وسى رەتتە بىرنەشە ۇسىنىس ايتتى:
- ەلدەگى ەسىرتكى ساۋداسىنىڭ ورشۋىنە بايلانىستى تىكەلەي قازاقستان رەسپۋبليكاسىنىڭ پرەزيدەنتىنە باعىنىشتى ەسىرتكىگە قارسى كۇرەس جۇرگىزەتىن جەكە-دارا مەكەمە قۇرۋدى قاراستىرۋدى سۇرايمىز. وسى سەكىلدى مەكەمەلەر رەسەي فەدەراسياسى مەن ارگەنتينا مەملەكەتىندە بار؛
- سينەتيكالىق ەسىرتكىنى ساتۋعا قاتىساتىن سايتتاردى جارنامالاۋ فاكتىلەرىنىڭ جولىن كەسۋ جونىندەگى جۇمىستى كۇشەيتىپ، جارنامالاۋشىلاردى قاتاڭ جازالاۋ قاجەت؛
- مەكتەپ، كوللەدج بەن جوعارى وقۋ ورىندارىندا بىلىمگەرلەرگە ەسىرتكى تاراتۋدىڭ جانە الاياقتار ۋادە ەتكەن جەڭىل اقشاعا ۇمتىلۋدىڭ سالدارى تۋرالى ءتۇسىندىرۋ شارالارىن جانداندىرۋ قاجەت؛
- جاستار، اسىرەسە ستۋدەنتتەر اراسىندا سينتەتيكالىق ەسىرتكىنى تاسىمالداۋشىلاردىڭ سانىنىڭ وسۋىنە بايلانىستى ناقتى ءىس-شارالار جوسپارىن ازىرلەۋدى ورىندى دەپ سانايمىز.
پىكىر قالدىرۋ