«كومپانيا بۇگىننەن باستاپ ەرەۋىلدى زاڭسىز دەپ تانۋ تۋرالى سوت شەشىمىن نەگىزگە الا وتىرىپ، وندىرىستىك قاجەتتىلىككە بايلانىستى 50 قىزمەتكەرمەن ەڭبەك شارتىن بۇزاتىنىن حابارلاۋعا ءماجبۇر. پايدا بولعان بوس ورىندارعا جۇمىسقا ورنالاسۋعا كەزەكتە تۇرعان ازاماتتاردىڭ اراسىنان قابىلدايمىز. بۇل رەتتە جۇمىسقا قابىلداۋ ءىسى بوس لاۋازىمدارعا قويىلاتىن بىلىكتىلىك تالاپتارىنا سايكەس جۇزەگە اسىرىلادى. بۇل ءتاسىل ەڭبەك زاڭناماسىنا تولىعىمەن سايكەس كەلەدى»، - دەلىنگەن حاباردا.
     حاباردا اتاپ وتىلگەندەي، «جۇمىسقا قابىلداۋ پروسەسى اياقتالعانشا جۇمىستان بوساتىلعان قىزمەتكەرلەردىڭ كەلىسىم كوميسسياسى ارقىلى جۇمىسقا قايتا ورالۋىنا مۇمكىندىگى بار».
«وسىنداي مۇمكىندىك بار كەزدە، زاڭسىز ەرەۋىلگە قاتىسۋشىلاردىڭ بارلىعىن ءوز جۇمىستارىنا ورالعان ارىپتەستەرىنەن ۇلگى الۋعا شاقىرامىز. بۇل پروسەسس جوسپار بويىنشا جالعاسادى. ءبىز جۇمىسقا ورنالاسۋعا نيەتتى جاڭا ۇمىتكەرلەردىڭ تولىق ءتىزىمىن انىقتاعاننان كەيىن، زاڭسىز ەرەۋىلدى توقتاتقىسى كەلمەگەن باسقا جۇمىسشىلارمەن ەڭبەك شارتىن بۇزاتىن بولامىز. ولاردىڭ ورنىنا جۇمىسقا وڭىردەگى جۇمىسسىزداردىڭ اراسىنان قابىلدايمىز»، - دەلىنگەن كومپانيا مالىمدەمەسىندە.
      ەسكە سالساق، بۇعان دەيىن ماڭعىستاۋ وبلىسىندا «West Oil Software» ج ش س قىزمەتكەرلەرىنىڭ ەرەۋىلگە شىعۋى زاڭسىز دەپ تانىلعان بولاتىن، ال كومپانيا وسى جاعدايدان كەيىن ۇڭعىمالاردا اپات بولۋ ءقاۋپى تۋىنداعانىن مالىمدەدى.