سەيسميكالىق ستانسيالار جەلىسى 2024 جىلعى 4 ناۋرىزدا الماتى ۋاقىتىمەن 11 ساعات 22 مين 05 سەك (2024 جىلعى 4 ناۋرىزدا گرينۆيچ بويىنشا 06 ساعات 22 مين 06 سەك) جەر سىلكىنىسىن تىركەگەن.

“جەر سىلكىنىسىنىڭ ەپيسەنترى قازاقستان اۋماعىندا الماتى قالاسىنان وڭتۇستىككە قاراي 31 كيلومەتر جەردە ورنالاسقان. جەر سىلكىنىسىنىڭ ەنەرگەتيكالىق كلاسى 13.2. MPV، ماگنيتۋداسى 6.1. ەپيسەنتردىڭ كوورديناتتارى 42.93° س.ە. 76.96° ش.ب. تەرەڭدىگى 10 كم. سەزىلەتىندىگى تۋرالى مالىمەتتەر (دسم-64 شكالاسى بويىنشا) الماتى 5،3 بالل”، – دەلىنگەن تجم حابارلاماسىندا.

جەدەل اقپاراتقا سايكەس الماتى وبلىسىندا جەر سىلكىنىسىنىڭ قۋاتى 5،3 بالل، جەتىسۋ وبلىسىندا (تالدىقورعان) 2 بالل بولعان. 

قالالىق تجد باسشىسى نۇرلان اتىعايەۆ جاعدايعا بايلانىستى شۇعىل مالىمدەمە جاسادى.

“ءبىرىنشى تەربەلىس اياقتالعان سوڭ عيماراتتان شىعىپ، حالىقتى قابىلداۋ پۋنكتىنە بارىڭىز. تەك رەسمي دەرەككوزگە سەنىڭىز. سيرەنا ەستىلگەن سوڭ قۇلاقتاندىرۋ قۇرالدارىن قوسىڭىز. جاعداي ناقتىلانعان سوڭ قوسىمشا اقپارات ۇسىنىلادى”، – دەگەن اتىعايەۆ ازاماتتاردى دۇرلىكپەۋگە شاقىردى.