وتكەن اپتادا بەلسەندى ابزال دوستياروۆ 20 تاۋلىككە قامالدى. وعان قاماۋداعى جۋرناليست ءارى بەلسەندى دۋمان مۇحاممەدكارىمنىڭ سوتى وتكەن كۇنى "بەيبىت جيىن وتكىزۋ ءتارتىبىن بۇزدى" دەگەن ايىپ تاعىلعان. دوستياروۆ بولسا، "سوتقا حابار تاراتۋعا بارعانىن ايتادى. قىزىعى دوستياروۆ ءوزى تۇراتىن الماتىعا نەمەسە "بەيبىت جيىن وتكىزۋ ءتارتىبىن بۇزدى" دەلىنگەن قونايەۆ قالاسىنا ەمەس، الماتى وبلىسى ۇيعىر اۋدانىنىڭ ورتالىعى شونجى كەنتىنە قامالعان.
ودان كەيىن استانادا قۇقىق قورعاۋشى، بەلسەندى ايدار سىزدىقوۆ 15 تاۋلىككە قامالدى دەگەن اقپارات شىقتى. وعان تاعىلعان ايىپ تىپتەن قىزىق. ول وسىدان ءبىر جىل بۇرىن ساياسي تۇتقىنداردى بوساتۋدى تالاپ ەتكەن ارەتىندە "بەيبىت جيىن تۋرالى زاڭدى بۇزدى" دەپ ايىپتالعان.
سونداي-اق كۇنى كەشە بەلسەندى، "تاۋەلسىز باقىلاۋشىلار" ۇيىمىنىڭ ءتوراعاسى بەسجان تولەۋبەكۇلىن بۇرىن تۇرعان پاتەرىنە بىرنەشە پوليسەي ىزدەپ كەلگەن. ول دا دۋمان مۇحاممەدكارىمنىڭ سوتىنا بارىپ، جۋرناليسكە قولداۋ كورسەتكەن كوپتىڭ ىشىندە بولعان.
قۇقىققورعاۋشىلار بۇنداي وقيعالاردى ادەتتە ازاماتتاردى ساياسي ۇستانىمى مەن بەلسەندىلىگى ءۇشىن قۋدالاۋ دەپ باعالاسا، قۇزىرلى ورگاندار ارەكەتىن زاڭبۇزۋشىلىقپەن تۇسىندىرەدى. ال زاڭ بۇزىلماۋى ءۇشىن بەيبىت جيىنعا رۇحسات الىنۋ كەرەك، رۇحسات سۇراسا، كوبىنە بەرىلمەيدى. سايكەستىك پە، جوق پا، ايتەۋىر وسىنىڭ ءبارى “جاڭا دا ادىلەتتى قازاقستان” قۇرامىز دەگەن كەزدە بولىپ جاتىر.
پوسموترەت ەتۋ پۋبليكاسيۋ ۆ Instagram
پىكىر قالدىرۋ