قۇجات 11 ناۋرىزدان باستاپ كۇشىنە ەنەدى. ەرەجەدە قازاقستاندىقتار زەينەتاقى جيناقتارىن قانداي ماقساتتا پايدالانا الاتىنى ايتىلعان:
- تۇرعىن ءۇيدى نەمەسە جەر ۋچاسكەسىن قولما-قول اقشامەن، ياعني يپوتەكاسىز ساتىپ الۋ؛
- تۇرعىن ءۇي ساتىپ الۋ ءۇشىن يپوتەكالىق قارىز الۋعا باستاپقى جارنانى قۇيۋ، يپوتەكانىڭ بەرەشەگىن ءىشىنارا نەمەسە تولىق وتەۋ؛
- يپوتەكالىق نەسيە الۋ ماقساتىندا جيناققا جارنانى تولىقتىرۋ؛
- يپوتەكا بويىنشا بەرەشەكتى ءىشىنارا نەمەسە تولىق وتەۋ؛
- يسلام بانكىنىڭ قارجىلاندىرۋى نەگىزىندە تۇرعىن ءۇي ساتىپ الۋ، قارىزدى ءىشىنارا، تولىق وتەۋ؛
- الەۋمەتتىك باعدارلامالار ارقىلى جالدامالى تۇردە بەرىلگەن ءۇيدى بەرىلگەن جەكەشەلەندىرۋ، ءبولىپ تولەۋ ارقىلى ساتىپ الۋ-ساتۋ؛
- جەكە تۇرعىن ءۇيدىڭ قۇرىلىسىنا اقشا الۋعا بولادى.
ايتا كەتەرى، جۇبايى مەن جاقىندارىنىڭ، تۋىستارىنىڭ جيناعىن پايدالانۋعا بولمايدى.
ءبىرىڭعاي زەينەتاقى قورىنىڭ باسپا ءسوز قىزمەتتى ءوتىنىشتىڭ قالاي قارالاتىنىن ءتۇسىندىردى.
“ۋاكىلەتتى وپەراتور تولەمگە ءوتىنىش پەن قۇجاتتاردى قاراپ، ماقۇلداعاننان كەيىن ەكى جۇمىس كۇنى ىشىندە بجزق-عا تىركەلگەن تولەم تۋرالى حابارلاما جىبەرەدى. حابارلامانى العان كۇننەن باستاپ بەس جۇمىس كۇنى ىشىندە وتىنىمدە كورسەتىلگەن سوماسىن دوللارمەن بانك شوتىنا اۋدارادى. نىسانالى جيناق الۋشى نەمەسە ونىڭ زاڭدى وكىلى بانك شوتىنا تۇسكەن تولەم سوماسىن 45 جۇمىس كۇنى ىشىندە وپەراتورعا اقشا قاراجاتىن پايدالانۋ ماقساتىن راستايتىن قۇجاتتاردى ۇسىنادى”، – دەلىنگەن ۆەدوموستۆو اقپاراتىندا.
پىكىر قالدىرۋ