ۇكىمەت وتىرىسىندا پرەمەر-مينيستر ولجاس بەكتەنوۆ الماتىداعى جەر سىلكىنىسى تۋرالى ءسوز قوزعادى.
– كورىپ وتىرعانىمىزداي، توتەنشە جاعدايلار مينيسترلىگى، اكىمدىك جانە باسقا دا مەملەكەتتىك ورگاندار ورىن العان جاعدايعا قاتىستى شۇعىل ارەكەت ەتە ءبىلدى. بۇل جولى دابىل سيرەناسى مەن حالىقتى قۇلاقتاندىرۋ جۇيەسى ۋاقىتىلى ىسكە قوسىلدى. قالا حالقى قابىلداۋ پۋنكتتەرىنە ەۆاكۋاسيالاندى. باعىمىزعا قاراي، ايتارلىقتاي زارداپتار بولعان جوق. ءقازىر ورىن العان جاعدايدى ەسەپتەۋ-باعالاۋ جۇمىستارى جالعاسۋدا، – دەدى ولجاس بەكتەنوۆ.
ۇكىمەت باسشىسى توتەنشە جاعدايلار مينيسترلىگى ەلدەگى سەيسمولوگيالىق احۋالعا تۇراقتى مونيتورينگتى قامتاماسىز ەتۋى كەرەك ەكەنىن اتاپ ءوتتى.
– كۇشتەر مەن قۇرالدار ساقاداي ساي بولۋعا ءتيىس. حالىقپەن اقپاراتتىق ءتۇسىندىرۋ جۇمىستارىن جالعاستىرۋ قاجەت. سونداي-اق توتەنشە جاعدايلار مينيسترلىگى ەلىمىزدىڭ تاۋلى ايماقتارىندا سەل جانە لاي كوشكىنى ءجۇرۋ قاۋپىنە قاتىستى ءتيىستى مونيتورينگتى قامتاماسىز ەتۋى كەرەك. توتەنشە جاعداي ءقاۋپى تۋىنداعان كەزدە شۇعىل ارەكەت ەتۋ شارالارىن قابىلداڭىزدار، – دەدى ولجاس بەكتەنوۆ.
پىكىر قالدىرۋ