رەسەيدىڭ فەدەرالدىق قاۋىپسىزدىك قىزمەتى (فسب) ماسكەۋدەگى سيناگوگالاردىڭ بىرىنە شابۋىلداماق بولعانداردىڭ جولى كەسىلىپ، اتىس كەزىندە قازاقستاننىڭ ەكى ازاماتى ولتىرىلگەنىن حابارلادى. بۇل تۋرالى رەسەيلىك ASTRA تەلەگرام ارناسى جازدى.
فسب مالىمەتىنشە، قازا تاپقانداردىڭ ءبىرى 35 جاستاعى ءسابيت اشىرالييەۆ، ەكىنشىسى 32 جاستاعى جانىبەك تاسقۋلايەۆ ەسىمدى ازاماتتار. ولار "يسلام مەملەكەتى" راديكالدى توبىنا جاتاتىن "حوراسان ءۋالاياتى" اتتى بولىمشەنىڭ مۇشەسى رەتىندە كورسەتىلىپ، رەسەي اۋماعىنا 28 اقپان كۇنى بارعانى ايتىلعان.
قازاقستاننىڭ ۇقك قازا تاپقاندار قازاقستان ازاماتى ەكەنىن راستادى.
"باق-تا رەسەي فەدەراسياسىندا قازاقستاننىڭ ەكى ازاماتىنىڭ تەررورلىق اكتى جاساۋدى ۇيىمداستىرۋعا ارەكەتى كەزىندە رەسەيدىڭ كۇشتىك قۇرىلىمدارىمەن كوزى جويىلعانى تۋرالى اقپارات جاريالاندى. بۇل ادامداردىڭ قازاقستاندىق ازاماتتىعى جانە رەسەيگە شىققاندىعى راستالادى. كورسەتىلگەن فاكتى بويىنشا ۇقك سوتقا دەيىنگى تەرگەپ-تەكسەرۋ جۇرگىزۋدە. تەكسەرىس ىنتىماقتاستىق ارناسى اياسىندا رەسەي فقق-مەن تىعىز بايلانىستا جۇزەگە اسىرىلۋدا" دەلىنگەن ۇقك حابارلامادا.
پىكىر قالدىرۋ