الماتى وبلىسى تالعار اۋدانىنىڭ پوليسيا قىزمەتكەرلەرى الماتىدا "ساياسي تۇتقىنداردى" قولداپ، باسپا ءسوز ءماسليحاتىن وتكىزبەك بولعان ساياساتكەر، قوعام بەلسەندىسى رىسبەك سارسەنبايدى ۇستاپ اكەتكەن. بۇل تۋرالى ازاتتىق راديوسى حابارلادى.
باسىلىم مالىمەتىنشە، پوليسيا بولىمىنە اپارىلعان بەلسەندىنىڭ قان قىسىمى كوتەرىلىپ، قازىرگى ۋاقىتتا تالعار اۋدانى اۋرۋحاناسىنىڭ جانساقتاۋ بولىمىنە جەتكىزىلگەن.
ازاتتىق راديوسى بەلسەندىنىڭ كەلىنشەگى، قۇقىققورعاۋشى مارجان اسپاندياروۆانىڭ "ۇستاۋ كەزىندە پوليسيا كۇش قولداندى" دەگەن ءسوزىن كەلتىردى. ونىڭ ايتۋىنشا، پوليسيا وزدەرىن تانىستىرماي، قۇجاتتارىن الىستان عانا كورسەتىپ، نە ءۇشىن الىپ كەتۋگە كەلگەنىن تۇسىندىرمەي، سۇيرەلەپ، دورەكى كۇش قولدانعان. وسىدان كەيىن رىسبەك سارسەنبايدىڭ قان قىسىمى كوتەرىلىپ كەتكەن.
ادۆوكات جالعاس ساپارحانوۆانىڭ ايتۋىنشا، پوليسيا رىسبەك سارسەنباي ۇلى مەن مارجان اسپاندياروۆانى ۇستاۋ كەزىندە دورەكى كۇش قولدانعانىن مويىنداماعان. پوليسيا قونايەۆتاعى جۋرناليست دۋمان مۇحاممەدكارىمنىڭ سوتىنا بايلانىستى ءىس قوزعالعاندىعىن ايتقان.
تولىقتىرۋ: ارادا بىرنەشە ساعات وتكەننەن كەيىن رىسبەك سارسەنباي ۇلى بوساپ شىقتى.
ءوزىنىڭ سوزىنشە، ونى ۇستاۋداعى سەبەپ - باسپا ءسوز جيىنىن وتكىزدىرتپەۋ.
پىكىر قالدىرۋ