– قازىرگى كەزدە كوپ سالىق تولەۋشى تىركەۋدە تۇر. ءبىراق ولاردىڭ ءبىرازى سالىق نىساناسىندا نولدىك كورسەتكىش كورسەتۋدە. 2023 جىلدىڭ ءبىرىنشى جارتىجىلدىعىنىڭ قورىتىندىسى بويىنشا،  1،4 ملن جەكە كاسىپكەردىڭ ىشىندە نولدىك كورسەتكىشتى 944 مىڭ سالىق تولەۋشى كورسەتتى. بۇل ءوز كەزەگىندە 67 پايىزعا تەڭ، – دەدى ول.

ءمينيستردىڭ سوزىنشە، ەلدەگى كاسىپكەرلەردىڭ تەك 30 پايىزى زاڭدى تۇردە سالىق تولەپ جاتىر ەكەن.

– قالعان 67 پايىزى سالىق تولەمەيدى، نولدىك كورسەتكىش كورسەتەدى. ۇلتتىق بانكتىڭ دەرەگىنە جۇگىنسەك، بارلىق تولەم بانك كارتوچكاسى ارقىلى وتكەن. ماسەلەن، ءبارىڭىز دۇكەننەن تاۋار ساتىپ الاسىزدار. ولاردىڭ اينالىمى ءبىر جىلدىڭ ىشىندە 55 ترلن تەڭگە بولدى. ال ءموبيلدى اۋدارىمداردىڭ سوماسى 80 ترلن تەڭگەنى قۇراعان. تۇسىنەسىز بە؟ بۇل رەتتە، تولەمدەردىڭ ءبىر بولىگى سالىق الاڭىندا بولماعانىن، تولەنبەگەنىن بايقاتىپ وتىر. بۇل ءوز كەزەگىندە جەرگىلىكتى جەردەگى بيۋدجەت شىعىنى سانالادى. قازىرگى كەزدە الەۋمەتتىك سالانىڭ دامۋىنا ۇلەس قوسۋ ءۇشىن وسى تولەمدەردى تولەۋ كەرەك، – دەدى ەرجان ءبىرجانوۆ.

ۆيسە-مينيستر ەلدىمەكەندەردەگى الەۋمەتتىك نىساندى تولىق قامتاماسىز ەتۋ ءۇشىن سالىقتان جالتارۋعا جول بەرمەۋ كەرەگىن قاداپ ايتتى.

– بالالار جارىق ءارى جىلى مەكتەپتە وقۋعا ءتيىس. حالىق جاقسى ەم الۋى كەرەك. ەگەر جەكە كاسىپكەرلەر وسى 80 ترلن تەڭگەدەن سالىق تولەمەسە، ولاردىڭ جاعدايى قيىن بولادى. سوندىقتان وسى اقپاراتتى دۇرىس جەتكىزۋدى سۇرايمىن، – دەدى ۆيسە-مينيستر.