ءار ۇلتتىڭ ۇلتتىق كيىمى – ۇلتتىق بولمىسىنىڭ كورىنىسى. ۇلت كيىمى ارقىلى سول ۇلتتىڭ تاريحى، مادەنيەتى سىر شەرتەدى. سونىمەن قاتار، قازاق حالقىنىڭ ۇلتتىق كيىمى – ۇرپاقتان-ۇرپاققا ساباقتاسىپ كەلە جاتقان، ەلدىڭ عاسىرلار بويى قالىپتاسقان سەزىمتالدىق تالعامىن، ساندىككە، ۇيلەسىم بىرلىگىنە، كوركەمدىككە ۇمتىلعان جاسامپازدىعى مەن شىعارماشىلىعىنىڭ جەتىستىكتەرىن بويىنا سىڭىرگەن قۇبىلىس. ونىڭ قاي-قايسىمىزدىڭ بولسا دا، ۇلتتىق ماقتانىش سەزىمىمىزدى وياتاتىنى بەلگىلى. ۇمىت بولعان مۇرانىڭ ساباقتاستىعىن جاڭعىرتۋ ماقساتىندا «ەڭ ادەمى كيىم — ۇلتىڭنىڭ كيىمى» اتتى ءىس-شاراسى ارقىلى ءال-فارابي اتىنداعى قازۇۋ، جوو-عا دەيىنگى ءبىلىم بەرۋ فاكۋلتەتى https://farabi.university/جوعارى وقۋ ورنىنا دەيىنگى دايىندىق كافەدراسى قازاقتىڭ ۇلتتىق كيىمدەرىن وسكەلەڭ ۇرپاققا ناسيحاتتاۋدى ماقسات ەتۋدى قولعا الىپ 2023 جىلدىڭ قازاق ايىنان باستاپ اپتانىڭ ءار جۇماسىندا ۇلتتىق كيىمدەردى ناسيحاتتاۋ ءىس-شاراسىن وتكىزىپ كەلەدى. جوو-عا دەيىنگى ءبىلىم بەرۋ فاكۋلتەتىنىڭ جوعارى وقۋ ورنىنا دەيىنگى دايىندىق كافەدراسىندا جاڭدانىپ وتىرعان ءۇردىس  بۇگىن زاماناۋي جاڭاشا اتاۋمەن جالعاسىن تاپتى. جوعارى وقۋ ورنىنا دەيىنگى دايىندىق كافەدراسىنىڭ وقىتۋشى پروفەسسور قۇرامى جانە توپ كۋراتورلارى «Bauyrsaq paty» داستارحانىن جايدى.

ءىس-شارانىڭ ماقساتى: ۇلتتىق ءداستۇرىمىزدى، قوناقجايلىق پەن مەيىرىمدىلىكتى دارىپتەۋ، اينالاداعىلارعا كوتەرىڭكى كوڭىل-كۇي سىيلاي وتىرىپ، ىستىق باۋىرساق ارقىلى ىستىق ىقىلاس، جىلى لەبىزدەرىن سەزىندىرۋ. سونداي-اق ءىس-شارادا فاكۋلتەت تىڭداۋشىلارى قازاقتىڭ ۇلتتىق اندەرىن ورىنداپ شارانىڭ كوركىن قىزدىرا ءتۇستى.  ماسەلەن ەركىن ەرسىننىڭ  جەتىسۋ ءوڭىرىنىڭ ماقامىمەن ءداستۇرلى ءاندى ناقىشىنا كەلتىرە ورىنداعىنى ءدۇيىم جۇرتتىڭ كوڭىلىنەن شىقتى.

وسىلايشا تاريحي باي مادەني مۇرامىزدى جاستار جادىندا ماڭگى قالدىرىپ، ۇرپاقتان ۇرپاققا امانات ەتپەكپىز.

جوو-عا  دەيىنگى ءبىلىم بەرۋ دايىندىق
كافەدراسىنىڭ  وقىتۋشىلارى:
مۋجيگوۆا گۇلنازيرا، يبرايموۆا جىبەك،
25-توپ تىڭداۋشىسى قايىر قىزى ايبيبي