ەلىمىزدە ەندى باعدارشامنىڭ سارى بەلگىسى جانىپ تۇرعان كەزدە جولدا جۇرۋگە تىيىم سالىنادى. ياعني، سەرگەك كامەرالارى باعدارشامنىڭ سارى بەلگىسىندە جۇرگەن كولىكتەردى انىقتاپ، جۇرگىزۋشىلەرگە ايىپپۇل سالادى. ويتكەنى جول اپاتتارىنىڭ كوبى سارى بەلگى جانعاندا بولادى. 

- باعدارشامنىڭ سارى بەلگىسى قوزعالىسقا تىيىم سالادى، ال جىپىلىقتاعان جاسىل بەلگى ەندى تىيىم سالۋ بەلگىسىنىڭ ىسكە قوسىلاتىنىن ەسكەرتەدى. مۇنداي زاڭ بۇزۋشىلىقتار كامەراعا جازىلىپ، كولىك يەسىنە اۆتوماتتى تۇردە ايىپپۇل سالىنادى، – دەيدى استانا پوليسيا دەپارتامەنتى. 

    ەلىمىزدىڭ ءۇشىنشى مەگاپوليسى شىمكەنتتە ازىرگە مۇنداي ءتارتىپ جوق. ءبىراق پوليسەيلەر ءساۋىر-مامىر ايلارىندا شىمكەنتتىك جۇرگىزۋشىلەرگە دە وسى ءۇشىن ايىپپۇل سالىناتىنىن ايتتى.

    ال ايىپپۇل مولشەرىنە كەلسەك، باعدارشامنىڭ سارى تۇسىنەن وتكەندەرگە 36 920 تەڭگە ايىپپۇل سالىنادى. ال 1 جىل ىشىندە وسى زاڭبۇزۋشىلىقتى قايتالاسا، ايىپپۇل سوماسى ءۇش ەسە ءوسىپ، 110 760 مىڭ تەڭگە تولەيدى.