باس ءمۇفتي بارشانى قاسيەتتى ايدا اتقارىلاتىن يگى شارالارعا ۇلەس قوسۋعا شاقىردى.

- وسى رەتتە بارشا وتانداستارىمدى قاسيەتتى ايدا جۇزەگە اساتىن "رامازان قورجىنى"، "رامازان سىيى"، "رامازان ءتاتتىسى" "جومارت جۇما"، سىندى قايىرىمدىلىق ءىس-شارالارعا ۇلەس قوسۋعا شاقىرامىن. كاسىپكەرلەردى الەۋمەتتىك ماڭىزى بار ازىق-تۇلىكتەردىڭ باعاسىنا مۇمكىندىگىنشە جەڭىلدىك جاساۋعا ۇندەيمىن. رامازان ايىنا تۋرا كەلگەن قۇدايى استاردى اۋىزاشار ۋاقىتىندا وتكىزگەن ابزال ەكەنىن ايرىقشا اتاپ وتكىمىز كەلەدى، – دەيدى ناۋرىزباي قاجى تاعان ۇلى.

- كاسىپكەرلەردى الەۋمەتتىك ماڭىزى بار ازىق-تۇلىك ونىمدەرىنە بارىنشا جەڭىلدىك جاساۋعا شاقىرامىن. ازىق-تۇلىك مەكەمەلەرىندە قولجەتىمدى باعادا اس ءمازىرىن ۇسىنۋ – ماقتاۋعا تۇرارلىق ىستەردىڭ ءبىرى. بار جاماندىقتىڭ باستاۋى بولاتىن اراق-شاراپ دۇكەندەرى ساتىلماسا ەكەن دەگەن تىلەگىمىزدى ايتقىم كەلەدى. وسى رەتتە بارشا حالىقتىڭ ورتاق يگىلىگى ءۇشىن سالىنىپ جاتقان ماڭىزدى نىسانداردىڭ: جول، كوپىر، مەكتەپ، مەشىت، مەدرەسە، بالاباقشا، سپورت كەشەندەرىنىڭ قۇرىلىسىنا از دا بولسا ۇلەس قوسۋعا شاقىرامىز ، – قمدب ءتوراعاسى. 

   ايتا كەتەيىك، بۇعان دەيىن 2024 جىلعى قازاقستان قالالارىنا ارنالعان ورازا كەستەسى جاريالانعان ەدى.