بەيجىڭدەگى حالىق جينالىستارى ۇيىندە 5 ناۋرىز كۇنى تاڭەرتەڭگى ساعات 9:00-دە XIV بۇكىلقىتايلىق حالىق وكىلدەرى جينالىسىنىڭ اشىلۋ سالتاناتى ءوتتى.
جينالىسقا قاتىسقانداردىڭ ىشىندە 60 ادامنان تۇراتىن شىڭجاڭ-ۇيعىر اۆتونوميالىق ولكەسى دەلەگاسياسى 11 ۇلتتىڭ وكىلىنەن قۇرالعان.
قىتايداعى قازاق دەپۋتاتتار XIV بۇكىلقىتايلىق حالىق وكىلدەرى جينالىسىنىڭ ەكىنشى سەسسياسىنا جانە جۇڭگو حالىقتىق ساياسي كونسۋلتاتيۆتىك كەڭەسى XIV ۇلتتىق كوميتەتى جينالىسىنا قاتىسقان. ءتىزىم بويىنشا گۇلميرا داۋلەت، ەرشات تۇرسىنباي، سارقىت اقان، ايدىن تولقىن جانە زويا باحىت ەسىمدى ۇلتى قازاق 5 دەپۋتات بار.
ال سارقىت اقان XIV بۇكىلقىتايلىق حالىق وكىلدەرى جينالىسىنىڭ ەكىنشى سەسسياسى پرەزيديۋمىنىڭ مۇشەسى بولىپ سايلاندى. وتىرىستى ءتوراعانىڭ مىندەتىن اتقارۋشى چجاو لەدجي وتكىزدى.
ودان بولەك، جۇڭگو حالىقتىق ساياسي كونسۋلتاتيۆتىك كەڭەسى XIV ۇلتتىق كوميتەتى جينالىسىنا قىتايلىق قانداسىمىز نۇرلان ابدۋلماجين جانە قادىربەك قامزا قاتىسىپ جاتىر.
پىكىر قالدىرۋ