باتىس قازاقستان وبلىسىندا سۋ تاسقىنىنان زارداپ شەككەن تۇرعىندارعا كومەكتەسىپ جۇرگەن 26 جاستاعى قۇتقارۋشىنى ەر ادام پىشاقتاعان.
وقيعا قازتالوۆ اۋدانى جالپاقتال اۋىلىنىڭ ماڭىندا بولدى. جەدەل دەرەكتەر بويىنشا، جەرگىلىكتى تۇرعىندارعا كومەك كورسەتۋ بويىنشا سۋ تاسقىنىنا قارسى ءىس-شارالاردى وتكىزۋ بارىسىندا قاراوزەن وزەنىنىڭ جاعاسىندا 26 جاستاعى ازاماتتىق قورعاۋ سەرجانتى جارالاندى.
ول اۋداندىق اۋرۋحاناعا كەۋدە ايماعىنداعى ەكى پىشاق جاراقاتىمەن جەتكىزىلدى. ناۋقاس دارىگەرلەردىڭ باقىلاۋىندا.
پوليسيانىڭ مالىمەتىنشە، شابۋىلداۋشى ىشىمدىك ىشكەن كۇيىندە بولعان. سوتقا دەيىنگى تەرگەۋ باستالدى.
پىكىر قالدىرۋ