سولتۇستىك قازاقستان وبلىسىنىڭ تايىنشا قالاسىنا سۋ تاسقىنىنا بايلانىستى كومەككە كەلگەن تۇركىستاندىق قۇتقارۋشى بەكجان بالدانوۆ كەنەتتەن قايتىس بولدى. بۇل تۋرالى سقو توتەنشە جاعدايلار دەپارتامەنتىنىڭ باسپا ءسوز قىزمەتى مالىمدەدى.
45 جاستاعى قۇتقارۋشى 2 ساۋىرگە قاراعان ءتۇنى تايىنشا قالاسىنداعى اۋداندىق اۋرۋحانانىڭ رەانيماسيا بولىمىنە تۇسكەن. بەكجان بالدانوۆتىڭ ولىمىنە ءجىتى ميوكارد ينفاركتىسى سەبەپ بولعان.
قۇتقارۋشى تۇركىستان وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى سايرام اۋدانىنىڭ № 6 ءورت ءسوندىرۋ ءبولىمىنىڭ بولىمشە كومانديرى بولىپ ەڭبەك ەتكەن.
مارقۇمنىڭ دەنەسى تۋعان جەرىنە جەتكىزىلدى.
پىكىر قالدىرۋ