استانا قالاسى سارىارقا اۋدانى پوليسيا باسقارماسى باستىعىنىڭ ورىنباسارى جاسۇلان جاقاي وڭىرلىك كوممۋنيكاسيالار قىزمەتىندە وتكەن بريفينگىدە ينتەرنەت الاياقتىقپەن كۇرەس تۋرالى مالىمەت بەردى.
«الاياقتارعا اقشا اۋدارىپ قويعان بولسام، پوليسياعا جۇگىنۋدىڭ ءمانى بار ما؟» - دەپ سۇرادى ينتەرنەت قولدانۋشى.
پوليسيا وكىلىنىڭ ايتۋىنشا، كەز كەلگەن زاڭسىزدىق بويىنشا پوليسياعا جۇگىنۋدىڭ ءمانى بار.
«مىندەتتى تۇردە پوليسياعا جۇگىنۋ كەرەك. ول ارىز بويىنشا قىلمىستىق ءىس قوزعالىپ، تەرگەۋ جۇرگىزىلەدى، قىلمىستىق ءىس اشىلادى. تەرگەۋ بارىسىندا زارداپ شەگۋشى مەن كۇدىكتى اراسىنداعى ءوزارا كەلىسىم نەگىزىندە كەلگەن شىعىندى ءوندىرىپ الۋعا بولادى. ال شىعىندى ءوندىرىپ الۋ مۇمكىندىگى بولماسا، زارداپ شەگۋشى ازاماتتىق سوتقا جۇگىنەدى. قالاي بولعاندا دا شىعىن وندىرىلەدى»، - دەدى جاسۇلان جاقاي.
پىكىر قالدىرۋ