قازاقستاندىقتار تۇرمىستىق زورلىق-زومبىلىق جاساعانداردى قىلمىستىق جاۋاپكەرشىلىككە تارتۋدى تالاپ ەتىپ، سەناتقا 5 مىڭنان استام حات جولدادى. بۇل تۋرالى "ەركىندىك قاناتى" قوعامدىق قورى مالىمدەدى.
"العاشقى ءۇش كۇندە-اق قازاقستاندىقتار پارلامەنتكە 5 مىڭنان استام حات جولدادى. ال ون مىڭ ازامات زاڭعا ونلاين قولداۋ ءبىلدىردى. سالتانات نۇكەنوۆا قايتىس بولعاننان كەيىن 2023 جىلدىڭ قاراشا ايىندا باستالعان وتباسىلىق-تۇرمىستىق زورلىق-زومبىلىققا قارسى پەتيسيا قازاقستان تاريحىنداعى حالىقتىڭ جاپپاي قاتىسقان پەتيسياسىنا اينالدى. قىسقا مەرزىم ىشىندە ول 150 مىڭنان استام قول جيناعان"، – دەپ حابارلادى قوعامدىق قور.
حات جىبەرۋ ءۇشىن eOtinish سايتىنا كىرىپ، "ءوتىنىش بەرۋ" باتىرماسىن باسۋ قاجەت.
پىكىر قالدىرۋ