ەلدە توتەنشە جاعداي بولعاندا حالىقتى بىرىكتىرەتىن ءاننىڭ ءبىرى يبراھيم ەسكەندىر ورىندايتىن «ءبىز بىرگەمىز» بولىپ تۇر. جەلىدەگى ۆيدەولارعا دا وسى ءان فون رەتىندە قويىلىپ جۇرەدى. ءبىراق سوڭعى كەزدەرى ەلدىڭ بۇل اننەن جالىققانىن بايقاپ ءجۇرمىز. قازىرگى كەزدە قۇلسارىداعى سۋ تاسقىنىنان زارداپ شەككەن جەرگىلىكتى حالىققا كومەكتەسىپ جۇرگەن ايتىسكەر اقىن سىرىم اۋەزحان وسى ءاننىڭ ءسوزىن جازعان. ول انگە بايلانىستى حالىقتان كەشىرىم سۇرادى.
«قيىن-قىستاۋ، قيلى زاماندا، نە بولماعان بايتاق دالامدا دەپ باستالاتىن ءاننىڭ اۆتورى مەن ەدىم. قۇلسارىعا كەلگەلى ەڭ كوپ ەستىگەنىم – وسى ءاندى قۇرتۋ كەرەك دەگەن ءسوز. حالىقتان كەشىرىم سۇرايمىن. ەكىنشىدەن، اننەن باسقا دا سەبەپتەردى قاراستىرىپ كورسەڭىزدەر دەگەن ۇسىنىس بار. وسى ءاننىڭ ارتىنان جاقسى ماعىنالى، ەلگە پايدالى، ەلدىڭ رۋحىن كوتەرەتىن ءان جازسام با دەگەن نيەت بار. سونداي انشىلەر بولسا حابارلاسىڭىزدار»، - دەدى ول.
جەلى قولدانۋشىلارىنىڭ بۇعان قاتىستى پىكىرلەرى ءارتۇرلى.
«تىم جاقسى ءان. حالىققا بىرلىككە شاقىرىپ تۇر عوي. شىنىمەن دە، قازاقتىڭ باسىنان نە وتپەدى؟»، «بۇل كۇلكى ەمەس. نە جازساڭدا، جاقسى سوزىمەن، جاقسى اۋەنىمەن جازشى قاراعىم»، «كەرەمەت ءان! ناعىز قازاق حالقى ءۇشىن جازىلعان ءان!»، «بارىنە ۇنايتىن ءان دەپ ويلايمىن»، «قيىن قىستاۋ قيلى زاماندا دەپ باستاعان بويدا، كوز الدىما بەينەۋدىڭ تاماق دايىنداپ جاتقان قازاندارى ەلەستەيتىن بولدى»، «وسى ولەڭ شىققان جەردە ءبىر پروبلەما شىعىپ تۇرادى»، - دەگەن پىكىرلەر بار.
پىكىر قالدىرۋ