كوروستەليەۆ جابىرلەنۋشىلەردىڭ وتەماقى قورىنا 69 مىڭ تەڭگە (شامامەن 150 دوللار) تولەۋگە مىندەتتەلدى، دەگەنمەن ىستە جابىرلەنۋشى جوق. كوروستەليەۆ پەن ونىڭ ادۆوكاتى "كىنانى دالەلدەيتىن ايعاق بولماعاندىقتان" اقتاۋدى سۇرادى. ازاتتىق سوتتالۋشىنىڭ ادۆوكاتىنا حابارلاسقانمەن جاۋاپ الا المادى.
ءىس ماتەريالدارىنا سۇيەنسەك، 2023 جىلى مامىردا ەر ادام TikTok جەلىسىندە ۆيدەو جاريالاپ، وندا "بىلاپىت ءسوز" ايتىپ، "قازاق ۇلتىنا قاتىستى تەرىس پىكىر" بىلدىرگەن. ول كەلەسى ۆيدەودا ايتقان پىكىرى "بارلىق قازاققا قاتىستى ەمەس ەكەنىن" تۇسىندىرگەن. پسيحولوگيالىق-فيلولوگيالىق ساراپتاما ۆيدەودا "ۇلتتىق الاۋىزدىق قوزدىراتىن بەلگىلەر" بار دەپ تۇجىرىم جاساعان.
قاراعاندى وبلىسىندا تەلەكوممۋنيكاسيا جەلىلەرى ارقىلى "ۇلتتىق الاۋىزدىق قوزدىرىپ"، "سەپاراتيستىك ارەكەتكە" شاقىردى، وسىلايشا قازاقستاننىڭ تۇتاستىعىن بۇزۋعا ناسيحاتتادى دەپ ايىپتالعان ساران قالاسىنىڭ تاعى ءبىر تۇرعىنى س.گالەيەۆ 5 جىلعا ەركىندىگىنەن ايىرىلدى. سوت ونى جابىرلەنۋشىلەردىڭ وتەماقى قورىنا 69 مىڭ تەڭگە تولەۋگە مىندەتتەگەن.
پىكىر قالدىرۋ