مامىرداعى مەرەكە كۇندەرى قازاقستاندىقتار قاتارىنان ءۇش كۇن – 7-9 مامىر ارالىعىندا دەمالا الادى. سەنبىدە، 4 مامىردا، بارلىعى ءۇشىن جۇمىس كۇنى بولادى.
ق ر ەڭبەك جانە حالىقتى الەۋمەتتىك قورعاۋ مينيسترلىگى «اشىق نقا» پورتالىندا ۆەدومستۆو باسشىسىنىڭ «2024 جىلى دەمالىس كۇنىن اۋىستىرۋ تۋرالى» بۇيرىعىنىڭ جوباسىن دايىنداپ، ورنالاستىرعان.
قۇجات دەمالىس كۇنىن 4 مامىر، سەنبىدەن وسى جىلعى 8 مامىر، سارسەنبىگە اۋىستىرۋدى كوزدەيدى. وسىلايشا، مامىر مەرەكەلەرىندە قازاقستاندىقتار ءۇش كۇن قاتارىنان، ياعني 7،8 جانە 9 مامىردا دەمالادى.
2024 جىلى دەمالىس كۇنىن اۋىستىرۋ تۋرالى ۇسىنىس ەڭبەك كودەكسىنىڭ 85-بابىنىڭ 3-تارماعىنا سايكەس ازىرلەندى. مەرەكە كۇندەرى سونداي-اق دەمالىس كۇندەرى جۇمىس ۋاقىتىن ۇتىمدى پايدالانۋ ماقساتىندا ەڭبەك جونىندەگى ۋاكىلەتتى ورگان دەمالىس كۇندەرىن باسقا جۇمىس كۇندەرىنە اۋىستىرۋعا قۇقىلى" دەلىنگەن ۆەدومستۆو سايتىنداعى حاباردا.
پىكىر قالدىرۋ