اقساي وزەنىندەگى سەلدەن قورعايتىن بوگەت قۇرىلىسى كەزىندە مەردىگەر كومپانيا مىندەتتەرىن تولىق اتقارماي، بولىنگەن اقشا قولدى بولعان. بۇل تۋرالى توتەنشە جاعدايلار مينيسترلىگى حابارلادى.
"ءقازىر قىلمىستىق ءىس قوزعالىپ، سوتقا جولداندى. بيۋدجەت قاراجاتىنىڭ ۇرلانۋىنا بايلانىستى مەردىگەر ۇيىمنىڭ جاۋاپتى تۇلعالارىنا تەرگەۋ امالدارى جۇرگىزىلىپ جاتىر"، - دەلىنگەن رەسمي حابارلامادا.
ءىرى ۇرلىق سەل ۇستايتىن بوگەتتى تەكسەرۋ بارىسىندا انىقتالدى. قۇرىلىس جۇمىستارى دۇرىس جۇرگىزىلمەگەنىنىڭ كەسىرىنەن 30 مىڭعا جۋىق الماتىلىقتىڭ ومىرىنە ءقاۋىپ ءتونىپ تۇر.
پىكىر قالدىرۋ