"بيىل 16-19 ءساۋىر ارالىعىندا قازاقستان سىرتقى ىستەر مينيسترلىگىنىڭ جانىنداعى KazAID حالىقارالىق دامۋ اگەنتتىگى الماتى قالاسىندا سەيسميكالىق قاۋىپسىزدىك ماسەلەلەرى بويىنشا جاپون ماماندارىنىڭ قاتىسۋىمەن ارنايى سەمينار وتكىزەدى. ءىس-شارانى جاپونيانىڭ JICA حالىقارالىق دامۋ اگەنتتىگى، قۇرىلىس سالاسىنداعى عىلىمي زەرتتەۋ جانە جوبالاۋ ينستيتۋتى، توتەنشە جاعدايلار جانە تابيعي اپاتتار ءقاۋپىن ازايتۋ ورتالىعى بىرلەسىپ ۇيىمداستىرادى"، - دەدى ايبەك سمادياروۆ سىم-دە وتكەن باسپا ءسوز ءماسليحاتىندا.
سونداي-اق جاپون عالىمدارى ورتالىق ازيانىڭ جانە كاۆكاز ەلدەرىنىڭ وكىلدەرىمەن بىرلەسىپ، سەيسميكالىق قاۋىپسىزدىك سالاسىندا تاجىريبە الماسادى.
«ولار سەيسميكالىق وقشاۋلاۋ سالاسىنداعى وزىق تەحنولوگيالار مەن ستاندارتتار تۋرالى پىكىر الماسىپ، سەيسميكالىق قۇرىلىستاعى الەۋەتتى ىنتىماقتاستىقتى تالقىلايدى. ساراپشىلار الماتى جانە نوتو قالالارىنداعى سوڭعى جەر سىلكىنىسىن زەرتتەيدى. بۇل بولاشاقتا سەيسميكالىق تاۋەكەلدىڭ الدىن الۋ ستراتەگياسىن ازىرلەۋگە ءوز سەپتىگىن تيگىزەدى»، - دەدى رەسمي وكىل.
پىكىر قالدىرۋ