الەۋمەتتىك جەلىدە بلوگەردەن قاشىپ بارا جاتقان پروكۋروردىڭ ۆيدەوسى تاراپ، كەيىن ۆيدەوداعى قونايەۆ قالاسىنىڭ پروكۋرورى ەكەنى انىقتالعان بولاتىن. باس پروكۋراتۋرا وسى وقيعاعا قاتىستى تەرگەۋ قورىتىندىسىن جاريالادى.
"تەكسەرۋ قورىتىندىسى بويىنشا، ۆيدەودا كورسەتىلگەن پروكۋرورلار تارتىپتىك جاۋاپكەرشىلىككە تارتىلدى"، - دەگەن باس پروكۋراتۋرانىڭ كادر قىزمەتى Tengrinews.kz رەداكسياسىنا بەرگەن جاۋابىندا.
ەسكە سالا كەتەيىك، بۇعان دەيىن الەۋمەتتىك جەلىدە بلوگەردەن قاشىپ بارا جاتقان پروكۋروردىڭ ۆيدەوسى تاراپ، قىزۋ تالقىعا تۇسكەن بولاتىن. جەلى قولدانۋشىلارى بلوگەرلەردى جاۋاپقا تارتۋعا شاقىرعان ەدى.
"الماتى وبلىسىنىڭ پروكۋراتۋراسى ۆيدەونى تۇسىرگەن بلوگەرلەردىڭ جاۋاپكەرشىلىگى تۋرالى ماسەلە كوتەرگەن جوق، الايدا ۆيدەودا كورسەتىلگەن قىزمەتكەرلەر جەكە قۇقىقتارىن قورعاۋ ءۇشىن سوتقا ءوز بەتىنشە جۇگىنۋگە قۇقىلى"، - دەپ مالىمدەدى باس پروكۋراتۋرانىڭ كادر قىزمەتى دەپارتامەنتى.
پىكىر قالدىرۋ