قازاقستاندا التى جىلدان بەرى جەڭىس كۇنىنە وراي اسكەري شەرۋ وتپەيدى. بيىل دا ۇكىمەت بيۋدجەت قاراجاتىن ۇنەمدەۋ ماقساتىندا شەرۋ بولمايتىنىن مالىمدەگەن بولاتىن. الايدا بۇگىن بايقوڭىر قالاسىندا اسكەري شەرۋ وتەتىنى بەلگىلى بولدى.
بۇل تۋرالى قالا اكىمدىگىنىڭ مامىر ايىنداعى ءىس-شارالار تۋرالى الدىن الا حابارلاندىرۋىندا جازىلعان. جوسپار بويىنشا 9 مامىر كۇنى بايقوڭىر قالاسىنداعى لەنين الاڭىنا گۇل شوقترى قويىلىپ، مەرەكەلىك كونسەرت پەن جەڭىس شەرۋى وتەتىنى حابارلانعان.
ادىرنا اقپارات اگەنتتىگىنىڭ مالىمدەۋىنشە، ءىس-شارانى رەسەي فەدەراسياسى قارجىلاندىرادى. قالانىڭ ورتالىق الاڭىنان وتەتىن جاتتىعۋ جاساقتارىنىڭ قاتارىندا پوليسيا قىزمەتكەرلەرى، توتەنشە جاعدايلار مينيسترلىگىمەن قاتار رف وكىلدەرى بولادى.
ايتا كەتەيىك، بايقوڭىر 2050 جىلعا دەيىن رەسەيگە جالعا بەرىلگەن. بۇگىندە بايقوڭىردا ەكىنشى دۇنيەجۇزىلىك سوعىس ارداگەرلەرى قالماعان.
پىكىر قالدىرۋ