ەلىمىزدە سوڭعى قوڭىراۋ شاراسى وتەتىن بولدى. بۇل تۋرالى وقۋ-اعارتۋ مينيسترلىگىنىڭ اپپاراتتىق وتىرىسىندا مينيستر عاني بەيسەمبايەۆ مالىمدەدى.
"بيىلعى وقۋ جىلى 25 مامىردا اياقتالاتىنىن قاتاڭ ەسكەرتەمىن. وسىعان وراي 3،8 ميلليوننان استام وقۋشى كەلەسى سىنىپتارعا كوشىرىلسىن. سونىمەن قاتار، ەلىمىزدەگى 186 مىڭ مەكتەپ ءبىتىرۋشى ءۇشىن وقۋ جىلىنىڭ اياقتالۋىنا ارنالعان سوڭعى قوڭىراۋ شاراسىن 25 مامىردا وتكىزۋدى تاپسىرامىن. بيىلعى تۇلەكتەر اتالعان ءىس-شارانى جوعارى مادەنيەتپەن، ىسىراپسىز، داڭعازاسىز وتكىزەتىنىنە سەنەمىن. بۇل بولاشاق تۇلەكتەر ءۇشىن ونەگەلى داستۇرگە اينالعان جاڭا فورماتتاعى جوعارى مادەنيەتتى العاشقى شارا بولارى ءسوزسىز" — دەدى مينيستر.
ايتا كەتەيىك، بۇعان دەيىن مينيسترلىك قازاقستان مەكتەپتەرىندە سوڭعى قوڭىراۋ سوعىلمايتىنىن، ونىڭ ورنىنا بارلىق مەكتەپتە وقۋ جىلىنىڭ اياقتالۋىنا ارنالعان ءبىرىڭعاي سىنىپ ساعاتى وتەتىنىن مالىمدەگەن بولاتىن.
پىكىر قالدىرۋ