بۇرىنعى ىشكى ىستەر ءمينيسترى ەرلان تۇرعىمبايەۆ ەكى ايعا قاماۋعا الىندى. بۇل تۋرالى باس پروكۋراتۋرانىڭ باسپا ءسوز قىزمەتى حابارلادى.
تۇرعىمبايەۆ 29 ءساۋىر كۇنى قاڭتار وقيعاسى كەزىندە قىزمەتتىك وكىلەتتىگىن اسىرا پايدالاندى دەگەن ايىپپەن ۇستالعان ەدى.
ايتا كەتەيىك، ەرلان تۇرعىمبايەۆ ق ر ىشكى ىستەر مينيسترلىگىن 2019 جىلدان باستاپ 2022 جىلعا دەيىن باسقارعان بولاتىن. قانتار وقيعاسىنان سوڭ قىزمەتىنەن بوساتىلىپ، پرەزيدەنتتىڭ كەڭەسشىسى بولىپ تاعايىندالدى. كەيىن تاشكەنتكە بارىپ، شىۇ ايماقتىق تەرروريزمگە قارسى قۇرىلىم باسشىسىنىڭ كەڭەسشىسى بولعان ەدى.
شانحاي ىنتىماقتاستىق ۇيىمى وڭىرلىك تەرروريزمگە قارسى قۇرىلىمىنا اككرەديتاسيالانعان سوڭ ەكس-مينيستر استاناعا كەلىپ، قىلمىستىق ىسكە قاتىسۋشى دەپ تانىلعان.
پىكىر قالدىرۋ