ءماجىلىس دەپۋتاتى ەلدەگى سۋ تاسقىنى مەن ەكولوگيالىق ماسەلەلەرگە قاتىستى ساۋال تاستادى. دەپۋتات سۋدى ۇستاپ تۇراتىن جاساندى ماتەريالدان جاسالعان بوگەتتەردىڭ قورشاعان ورتانىڭ لاستانۋىنا اكەپ سوقتىراتىنىنا باسا نازار اۋداردى.
“ەندى سۋ تارتىلدى، ەگەر ءبىز بۇل كەنەپ قاپشىقتاردى تاستاپ، ولاردىڭ بارلىعىن جيناماساق ەكولوگيالىق اپاتقا تاپ بولامىز. سونداي-اق جىرالاردان شىققان سۋ قوقىستاردى، قالدىقتاردى، جانۋارلار مەن قۇستاردىڭ ولەكسەلەرىن شايىپ كەتكەن. تەرەزەنى اشىپ تەمەكى لاقتىرامىز، تۇكىرەمىز، ستاديونعا نەمەسە كينوتەاترعا بارساق تا ىشىپ-جەگەنىمىز سوندا قالادى. ويىمىزدى وزگەرتۋ كەرەك. ءبىز تازالىقتى جالپى قۇندىلىق رەتىندە، قاجەت بولسا، ءتارتىپ رەتىندە دە دارىپتەۋىمىز كەرەك”، – دەدى ماقسات تولىقباي.
دەپۋتات ماسەلە دەر كەزىندە شەشىمىن تاپپاعان جاعدايدا ىندەت تاراۋى مۇمكىن ەكەنىن دە ايتتى. ول قوعامدىق ورىندار مەن قورشاعان ورتانىڭ تازالىعىن ساقتاۋ، وسىمدىكتەردى كۇتىپ-باپتاۋ ارنايى قىزمەتكەرلەردىڭ عانا ەمەس، بارلىق ازاماتتىڭ مىندەتى ەكەنىن اتاپ ءوتتى.
ماقسات تولىقباي قازاقستان مەكتەپتەرىنە ەكولوگيا بويىنشا جەكە ءپان ەنگىزۋدى ۇسىندى.
“ءبىلىم مينيسترلىگى مەكتەپ وقۋشىلارى اراسىندا "ەكولوگيالىق سانا" اتتى تاربيە ساعاتتارىن وتكىزۋدى باستاۋى كەرەك”، – دەيدى دەپۋتات.
پىكىر قالدىرۋ