تاسقىننان كەيىن ۇيلەرىن سۋ باسقان قۇلسارى حالقى جىلىوي اكىمدىگىنىڭ الدىندا تۇنەپ شىقتى. ولار ۇيلەرىنىڭ ءار شارشى مەترى 400 مىڭ تەڭگەدەن ەسەپتەلگەنىن تالاپ ەتىپ وتىر.
الايدا اكىمدىك تۇرعىن ءۇيدىڭ شارشى مەترى 200-240 مىڭ تەڭگەدەن ەسەپتەلەتىنىن ايتقان. ال تۇرعىندار بۇل باعامەن كەلىسپەيدى.
بۇعان دەيىن تەك ءۇيى جوندەۋگە كەلەتىن تۇرعىندارعا اقشا قولما-قول بەرىلىپ، باسپاناسى جارامسىز دەپ تانىلعان ازاماتتاردىڭ اقشاسى قۇرىلىس كومپانياسىنا اۋدارىلاتىنى ايتىلعان. ال قۇلسارى حالقى قۇرىلىس كومپانيالارىنىڭ ءۇيدى ساپالى سالاتىنىنا سەنىم بىلدىرە الماي وتىر.
پىكىر قالدىرۋ