تۇرعىنداردان قالا كوشەلەرىنە قازاقستاننىڭ بەلگىلى ونەر قايراتكەرلەرى: ءانشى ەرمەك سەركەبايەۆ، كومپوزيتور ەسكەندىر حاسانعالييەۆ، اكتەرلەر يۋريي پومەرانسيەۆ پەن ۆلاديمير تولوكوننيكوۆتىڭ ەسىمىن بەرۋ تۋرالى وتىنىشتەر كەلىپ ءتۇستى.

قالالىق ءماسليحات شەشىمىنىڭ جوباسى بويىنشا بوستاندىق اۋدانى يۋ.گاگارين داڭعىلىنىڭ ك.تيميريازيەۆ كوشەسىنەن ءال-فارابي داڭعىلىنا دەيىنگى بولىگىنە ەرمەك سەركەبايەۆ داڭعىلى، اۋەزوۆ اۋدانى يۋبيلەينايا كوشەسىنە ۆلاديمير تولوكوننيكوۆ اتىن بەرۋ جوسپارلانعان.

ەسكەندىر حاسانعالييەۆتىڭ ەسىمىن تۇركسىب اۋدانىنىڭ «جاس قانات» شاعىن اۋدانىنداعى اتاۋى جوق كوشەگە بەرۋ كوزدەلدى، ال يۋريي پومەرانسيەۆتىڭ ەسىمىمەن قالانىڭ بوستاندىق اۋدانىنداعى اتاۋى جوق كوشە اتالادى.

شەشىم جوباسى رەسپۋبليكالىق ونوماستيكا كوميسسياسىنىڭ قاراۋىنا جىبەرىلەدى.