العاش 2019 جىلى باستالعان گۋمانيتارلىق وپەراسيا ناتيجەسىندە ەلگە 750-دەن استام وتانداسىمىز ورالعان. مۇنداي باستاما ورتالىق ازيانىڭ وزگە دە مەملەكەتتەرىندە جۇزەگە اسىرىلدى. ايتالىق وزبەكستان لاڭكەستىك وتى شارپىعان ايماقتان 531، قىرعىزستان 511 جانە تاجىكستان 381 ازاماتىن ءقاۋىپسىز جەرگە كوشىرگەن.

بۇل جايت تاشكەنتتە باس قوسقان ساراپشىلار مەن بىرىكەن ۇلتتار ۇيىمى وكىلدەرى تاراپىنان ەرەكشە اتاپ ءوتىلدى. ورالعانداردى وڭالتۋ جونىندەگى وڭىرلىك كەڭەستىڭ العاشقى وتىرىسىنا ۇكىمەتتىك ورگان جەتەكشىلەرى دە قاتىستى.

ەلىمىز اتىنان مادەنيەت جانە اقپارات ۆيسە-مينيسترى قانات ىسقاقوۆ ءسوز سويلەپ، حالىقارالىق ۇيىمدارمەن بىرلەسە جۇرگىزىلگەن «جۋسان» وپەراسياسىنىڭ ماڭىزىنا توقتالدى. گۋمانيتارلىق ءىس اياسىندا قازاقستانعا 180 ايەل، 500-دەن استام بالا جانە 37 ەر ادام قايتارىلدى. جەتىم قالعان 34 بالا اتا-اجەسىمەن قاۋىشتى. ايەلدەر مەن بالالاردى وڭالتۋ، ازاماتتىعىن قالپىنا كەلتىرۋ جانە قۇقىقتىق كومەك الۋ ماسەلەلەرى تولىق شەشىمىن تاپقان.