2024 جىلدىڭ 14 مامىر كۇنى كەشكى ۋاقىتتا «جاسكەنت بوبەكجاي-باقشاسى» ج ش س «قۇلىنشاق» توبىنىڭ تاربيەلەنۋشىسى مۇحامەتقالي اياۋلىم ادىلەت قىزىنىڭ اناسى گ.شايمەردەنوۆا قىزىنىڭ اياعىنداعى سىرىلعان جاراقاتتى كورەدى. «جاسكەنت بوبەكجاي-باقشاسى» جشس-داعى بەينەباقىلاۋ كامەرالارىنان تاربيەشىنىڭ قىزىنا دەنە جاراقاتىن سالعان ىس-ارەكەتىن انىقتايدى. ەڭ سوراقىسى، اتا-انالار بەينەباقىلاۋ كامەراسىنان تاربيەشىلەردىڭ تىنىش وتىرعان بالالاردى سەبەپسىز ۇرىپ، تۇنشىقتىرعاندارىن كورەدى. ءتىپتى بۇل سۇمدىقتى كورگەن كەيبىر اتا-انالار تالىپ تا قالعان.
اتا-انالار بۇل وقيعا بويىنشا قۇقىق قورعاۋ ورگاندارىنا حابارلاستى.
وسىعان قاتىستى جەتىسۋ وبلىستىق پوليسياسى جاۋاپ بەردى.
«بۇل دەرەك بويىنشا سوتقا دەيىن تەرگەۋ باستالدى. سوت-مەديسينالىق ساراپتاماسى تاعايىندالدى. اتالعان ءىس وبلىستىق پوليسيا دەپارتامەنتىنىڭ باقىلاۋىندا»، - دەلىنگەن حابارلامادا.
بالاباقشادا نەبارى 5 اي جۇمىس ىستەگەن كۇدىكتى بۇعان دەيىن تاربيەشىنىڭ كومەكشىسى بولعان. داۋ تۋدىرعان جاعدايدان كەيىن بالاباقشا ادىسكەرى، تاربيەشىنىڭ كومەكشىسى جانە كۇدىكتىنىڭ ءوزى جۇمىستان قۋىلدى.
پىكىر قالدىرۋ