قازىرگى امەريكالىق باسشىلىقتىڭ قابىلەتسىزدىگىنىڭ كەسىرىنەن سايلاۋعا دەيىن قالعان بەس ايدا ءۇشىنشى دۇنيەجۇزىلىك سوعىس باستالۋى مۇمكىن. بۇل تۋرالى اقش-تىڭ بۇرىنعى پرەزيدەنتى دونالد ترامپ ايتتى، دەپ حابارلايدى Qamshy.kz اقپارات اگەنتتىگى Skifnews. kz- كە سىلتەمە جاساپ.
ول ءوزىنىڭ پرەزيدەنت رەتىندەگى مۇراگەرى جانە باسەكەلەسى دجو بايدەندى مەڭزەپ، ونىڭ كەسىرىنەن الداعى بەس اي ءقاۋىپتى ەكەنىن مالىمدەدى.
«بۇل ەلدى باسقاراتىن اقىماقتاردىڭ كەسىرىنەن ءتىرى قالاتىن ادامدار از. ويتكەنى قازىرگى قارۋدىڭ كۇشى قورقىنىشتى. الداعى بەس ايدا ءبىز ءۇشىنشى دۇنيەجۇزىلىك سوعىسقا ۇشىراۋىمىز مۇمكىن»، - دەدى ول.
ەسكە سالساق، بۇعان دەيىن ترامپ قاراشاداعى سايلاۋدا جەڭىسكە جەتكەن جاعدايدا ۋكرايناداعى «قورقىنىشتى» قاقتىعىستى شەشۋگە ۋادە بەرەتىنىن ايتقان. ەندى ول ەگەر اقش-تى باسقارۋدى جالعاستىرسا، بۇل قاقتىعىستىڭ پايدا بولۋىنا جول بەرمەيتىنىن تاعى قايتالاپ ايتتى.
پىكىر قالدىرۋ