ياعني، ەكى ەل سيرەك كەزدەسەتىن مينەرالداردى بىرگە يگەرۋدى جوسپارلاپ وتىر. سيفرلىق تەحنولوگيالار مەن جاساندى ينتەللەكت باعىتىندا دا جۇمىلا اتقاراتىن جۇمىس كوپ. ودان بولەك، اسپان استى ەلىنىڭ ينۆەستورلارى قازاقستاندا ەلەكتروموبيلدەر قۇراستىرۋدى ۇسىندى. ءبىزدىڭ تاراپ كورشىلەردىڭ بۇل ۇسىنىسىن قابىل الدى. بيىل قىتايدا قازاقستان ءتۋريزمى جىلى. سوندىقتان ەكى ەل اراسىنداعى مادەني-رۋحاني بايلانىسقا دا ۇلكەن كوڭىل بولىنەدى.
مۇرات نۇرتىلەۋ، ق ر پرەمەر-مينيسترىنىڭ ورىنباسارى – سىرتقى ىستەر ءمينيسترى:
بيىل استانادا بەيجىڭ ءتىل جانە مادەنيەت ۋنيۆەرسيتەتىنىڭ فيليالىن اشۋدى جوسپارلاپ وتىرمىز. سونىمەن قاتار قىتايدىڭ وزىق تەحنولوگيالىق ۋنيۆەرسيتەتتەرىنىڭ فيليالدارىن اشۋعا دا قىزىعۋشىلىق بار. قازاقستان مەن قىتايدىڭ ستراتەگيلىق ارىپتەستىگىنىڭ ءورىسىن كەڭەيتۋ ءبىزدىڭ ورتاق ماقساتىمىز.
ۆان ي، قحر مەملەكەتتىك كەڭەسىنىڭ مۇشەسى – سىرتقى ىستەر ءمينيسترى:
قازاقستان قىتايدىڭ سەنىمدى سەرىكتەسى. ەكى ەل اراسىنداعى قارىم-قاتىناس سوڭعى جىلدارى قارقىندى دامىپ كەلەدى. ماسەلەن، وتكەن جىلدىڭ قورىتىندىسى بويىنشا مەملەكەتتەرىمىز اراسىنداعى ساۋدا اينالىمى رەكوردتىق كورسەتكىشكە جەتىپ، 40 ملرد اقش دوللارىنان استى. الداعى جىلدارى بۇل كورسەتكىشتى بىرنەشە ەسەگە ارتتىرۋدى كوزدەپ وتىرمىز.
پىكىر قالدىرۋ