رەسەيدىڭ وڭتۇستىك اسكەري وكرۋگىندە يادرولىق قارۋ دايىنداۋ مەن قولدانۋ بويىنشا تاجىريبەلىك سىناقتار باستالدى. رەسەي قورعانىس مينيسترلىگى جاتتىعۋلار رەسەيدىڭ اۋماقتىق تۇتاستىعى مەن ەگەمەندىگىن قامتاماسىز ەتۋگە باعىتتالعانىن حابارلادى.
اسكەريلەر "يسكاندەر" جەدەل-تاكتيكالىق زىمىران جۇيەسىنە ارنايى وق-دارىلەر الۋ بويىنشا جاۋىنگەرلىك دايىندىق تاپسىرمالارىن ورىنداپ، زىمىران ۇشىرۋعا دايىندىق جۇرگىزىلىپ جاتىر.
"جاتتىعۋعا قاتىسقان رەسەي اەروعارىش كۇشتەرىنىڭ اۆياسيالىق بولىمشەلەرىنىڭ جەكە قۇرامى ارنايى جاۋىنگەرلىك اۆياسيالىق قارۋ-جاراق بولىمشەلەرىمەن، سونىڭ ىشىندە "كينجال" اەروبالليستيكالىق گيپەر دىبىستىق زىمىراندارىمەن جاراقتاندىرۋعا ماشىقتاندى جانە ارنايى پاترۋلدىك اۋماقتارعا ۇشىپ كوردى"، – دەلىنگەن ۆەدومستۆو حابارلاماسىندا.
