بۇل تۋرالى اقپارات الەۋمەتتىك جەلىلەردە ءبىر كۇن بۇرىن، 29 مامىردا پايدا بولدى. ونىڭ 12 ميلليون تەڭگە پارا الدى دەگەن كۇدىككە ىلىنگەنى حابارلاندى.
رەداكسيانىڭ سىبايلاس جەمقورلىققا قارسى قىزمەتى ۇستالۋ فاكتىسىن راستادى.
"سىبايلاس جەمقورلىققا قارسى قىزمەت سوتقا دەيىنگى تەرگەپ-تەكسەرۋ اياسىندا م.وسپانوۆ اتىنداعى "باتىس قازاقستان مەديسينا ۋنيۆەرسيتەتىنىڭ باسقارما ءتوراعاسى ۇستالدى"، – دەپ مالىمەت بەردى.
تولىق اقپاراتتى كەيىنىرەك بەرۋگە ۋادە ەتتى.
2022 جىلدىڭ قىركۇيەك ايىندا م.وسپانوۆ اتىنداعى باتىس قازاقستان مەديسينا ۋنيۆەرسيتەتىنىڭ رەكتورى بولىپ اسەت قالييەۆ تاعايىندالدى.
2024 جىلدىڭ 28 مامىرىندا انتيكور توتەنشە جاعدايلار مينيسترلىگىنىڭ جوعارى لاۋازىمدى قىزمەتكەرلەرىنە قاتىستى سوتقا جىبەرىلگەن ءىس تۋرالى ايتتى.
پىكىر قالدىرۋ