الماتى وبلىسىنىڭ اكىمى م.سۇلتانعازييەۆ جانە «الاتاۋ» اەا ديرەكتورى ج.ساۋربەكتىڭ JTC كومپانياسىنىڭ (سينگاپۋر) باسشىلىعى – نەلسون ليۋمەن كەزدەسۋى ءوتتى. JTC سينگاپۋرداعى باس جوسپارلاردىڭ، ارحيتەكتۋرالىق شەشىمدەردىڭ جانە كەلەسى ۇرپاق ۋربانيزاسياسىنىڭ جەتەكشى ازىرلەۋشىسى.
الماتى وبلىسى اكىمى باسپا ءسوز قىزمەتىنىڭ حابارلاۋىنشا، ليۋ يندۋستريالىق، ەركىن ەكونوميكالىق ايماقتار مەن ارنايى ستارتاپ-ينكۋباتورلار جۇمىسىنىڭ تاجىريبەسىمەن جانە ەرەكشەلىكتەرىمەن بولىسكەن. تاراپتار جەر رەسۋرستارىن باسقارۋ ءتارتىبى مەن تەتىكتەرىن، تىركەۋ ءتارتىبىن جانە تۇرعىندارعا قىزمەت كورسەتۋدى تالقىلاعان.
الماتى وبلىسىنىڭ باسشىلىعىنا دجۋرونگتاعى «Seletar» اەروعارىش ساياباعى، جانە «Tuas» بيومەديسينالىق ساياباعىنداعى جاڭا اۋماقتاردى دامىتۋ كارتاسى ۇسىنىلدى.
كەزدەسۋ ناتيجەسىندە تاجىريبە الماسۋ جانە قازاقستاندىق مامانداردى وقىتۋ تۋرالى كەلىسىمگە قول جەتكىزىلدى. سونداي-اق ليۋ مىرزا قازاقستاندا وتەتىن بيزنەس-فورۋمعا شاقىرىلدى.
بۇل كەزدەسۋ الماتى وبلىسىنىڭ ءوڭىردى دامىتۋ ءۇشىن وزىق حالىقارالىق تاجىريبەنى تارتۋعا ۇمتىلىسىنىڭ جارقىن مىسالى. ءتيىمدى يندۋستريالىق ايماقتارىمەن جانە جوعارى تەحنولوگيالىق شەشىمدەرىمەن تانىمال سينگاپۋر تاجىريبەسى، ينۆەستورلار ءۇشىن ايماقتىڭ تارتىمدىلىعىن ارتتىرۋ جانە ەكونوميكالىق ءوسۋدى جەدەلدەتۋدە قۇندى قۇرال بولا الادى.
پىكىر قالدىرۋ