ەل پرەزيدەنتى قاسىم-جومارت توقايەۆ ەلىمىزدىڭ ينۆەستيسيالىق تارتىمدىلىعىن ارتتىرا وتىرىپ، شەتەلدەن قارجى كوزىن تارتۋدىڭ جاڭا تەتىكتەرىن قاراستىرۋ جونىندە ۇدايى ايتىپ، ءتيىستى تاپسىرمالار بەرىپ كەلەدى. وسى ورايدا، الماتى قالاسىندا ينۆەستيسيا تارتۋعا قاتىستى كەلەلى جۇمىستار اتقارىلىپ كەلەدى. قالا اكىمى ەربولات دوسايەۆ قازاقستانداعى شەتەلدەردىڭ باس جانە قۇرمەتتى كونسۋلدارىمەن باسىم جوبالارعا ينۆەستيسيا تارتۋعا قاتىستى ماسەلە كوتەردى.

الماتى قالاسىنىڭ سەرىكتەستىككە اركەز اشىق ەكەنىن ايتىپ، «ءبىر تەرەزە» قاعيداتى بويىنشا كەڭەس بەرەتىن Almaty Buisness Development Center ينۆەستورلارىنا ارنالعان قالالىق فرونت كەڭسەسىن ۇسىندى.

ونداعى دامۋ جوسپارىنا جەدەل قوعامدىق كولىك جۇيەسىن قۇرۋ جۇيەسىن قۇرۋ يندۋستريالدىق ايماقتى 40 پايىز كەڭەيتۋ  مەن قالاداعى ەكولوگيالىق احۋالدى جاقسارتۋ باستى ورىن الادى.

اۋانىڭ ساپاسىن جاقسارتۋ مەن مەگاپوليستەگى لاستانۋ دەڭگەيىن تومەندەتۋ بويىنشا «جاسىل» جوبالار مەن باستامالاردى قۇرۋعا، سونداي-اق «سمارت ءسيتيدى» قۇرۋدا جۇمىس ورىندارىن  اشۋ مەن سيفرلى جوبالاردى دامىتۋعا  باسا نازار اۋدارىلدى.

سونىمەن قاتار كەزدەسۋ بارىسىندا قازاقستان رەسپۋبليكاسى سىتقى ىستەر مينيسترلىگى وكىلدەرى، ءتۇرلى ەلدەردىڭ باس جانە قۇرمەتتى كونسۋلدارى ءسوز سويلەۋ بارىسىندا الماتىنىڭ قارقىندى دامۋى مەن حالىقارالىق بايلانىستاردى نىعايتۋعا قاتىستى پىكىرلەرىمەن ءبولىستى.

ناتيجەسىندە، ستراتەگيالىق ارىپتەستىك پەن ورنىقتى ەكونوميكالىق ءوسىم الماتى قالاسى ءۇشىن باستى باسىمدىقتاردىڭ ءبىرى بولىپ قالادى.

سوندىقتان دا، الماتى قالاسىنىڭ سەرىكتەستىك قىزمەتتەرى ارقىلى مەگاپوليستەگى جۇمىستار داميتىنى ءسوزسىز.