الداعى ۋاقىتتا الماتىداعى سەيسمولوگيا عىلىمي ورتالىعىنىڭ عيماراتى جوندەلىپ، قايتا جابدىقتالادى. بۇل تۋرالى قالا اكىمى ەربولات دوسايەۆ ايتتى. الماتى اكىمى تجم سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعىنىڭ عيماراتىنا بارىپ، مەكەمەنىڭ ماتەريالدىق-تەحنيكالىق بازاسىمەن تانىسىپ قايتتى. 

الماتى قالاسى سەيسميكالىق تۇرعىدا ءقاۋىپتى ايماقتا ورنالاسقان. مەگاپوليستە جەر سىلكىنىستەرىن زەرتتەيتىن توتەنشە جاعدايلار مينيسترلىگىنە قاراستى سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى بار. الايدا وندا 1986 جىلدان بەرى كۇردەلى جوندەۋ جۇرگىزىلمەگەن، جابدىقتاردىڭ باسىم بولىگى ەسكىرگەن، سونداي-اق كادر تاپشىلىعى دا ورىن الىپ وتىر.

ورتالىق قىزمەتىنىڭ نەگىزگى باعىتى – بۇكىل ەل اۋماعىنىڭ سەيسميكالىق قاۋىپتىلىگىن باعالاۋ جانە سەيسمولوگيالىق مونيتورينگ جۇرگىزۋ.

"ءبىز عيماراتتى قالا بيۋدجەتى ەسەبىنەن جوندەۋ تۋرالى شەشىم قابىلدادىق. سونداي-اق عىلىمي زەرتتەۋلەرگە شامامەن 2 ملرد تەڭگە بولىنەدى، بۇل ەڭبەكاقى تولەۋ قورىن ۇلعايتۋعا، شەتەلدىك ارىپتەستەرمەن تاجىريبە الماسۋعا، جاڭا كادرلار تارتۋعا مۇمكىندىك بەرەدى. بۇل ورتالىق قالا ءۇشىن عانا ەمەس، بۇكىل ەل ءۇشىن وتە ماڭىزدى، سوندىقتان ول الەمدىك ستاندارتتارعا ساي بولۋى ءتيىس"، – دەدى ەربولات دوسايەۆ.

قازىرگى ۋاقىتتا سەيسمولوگيالىق باقىلاۋلاردىڭ رەسپۋبليكالىق جەلىسى (رسسن) قازاقستاننىڭ 12 وبلىسىندا جانە الماتى قالاسىندا ورنالاسقان 70 سەيسميكالىق ستانسيا مەن باقىلاۋ پۋنكتەرىنەن تۇرادى.

ستانسيالاردا 160 ءتۇرلى ولشەم بويىنشا سەيسميكالىق، گەوفيزيكالىق، گيدروگەولوگيالىق، باقىلاۋلار جۇرگىزىلەدى. سەزىلەتىن جەر سىلكىنىسى جاعدايىندا كەزەكشىلەر جەدەل رەجيمدە ونىڭ پارامەترلەرىن انىقتايدى: سىلكىنىس ۋاقىتى، ەپيسەنتردىڭ كوورديناتتارى، جەر سىلكىنىسىنىڭ كلاسى نەمەسە ونىڭ ماگنيتۋداسى.

ايتا كەتەرلىگى، ورتالىق ق ر تجم «سەيسمولوگيا ينستيتۋتى» ج ش س مەن ق ر تجم «سەيسمولوگيالىق تاجىريبەلىك-ادىستەمەلىك ەكسپەديسيا» ءجشس-نى بىرىكتىرۋ جولىمەن قايتا قۇرۋ ناتيجەسىندە قۇرىلعان.