ەكونوميكانىڭ دامۋىن، ەكونوميكالىق ءوزىن-وزى قامتاماسىز ەتۋ، ەكونوميكانى ءارتاراپتاندىرۋ، ينۆەستيسيا تارتۋ، ساۋدا-ەكونوميكالىق ىنتىماقتاستىق، قازاقستاندىق ءونىمنىڭ ساپاسىن ارتتىرۋ، ۇلتتىق ەكسپورتتاۋشىلاردى دامىتۋ ماقساتىندا الماتى الاسىندا جوعارى دەڭگەيدە جۇمىستار اتقارىلىپ كەلەدى.
مەگاپوليستە بيىل ەكسپورت كولەمىن ۇلعايتۋعا قاتىستى قالا اكىمى ەربولات دوسايەۆ وڭتۇستىك كورەيانىڭ چۋنچوننام-دو پروۆينسيتياسىنىڭ گۋبەرناتورى كيم تحە حىممەن كەزدەستى. كەزدەسۋ بارىسىندا الماتى اكىمى ەربولات دوسايەۆ قازاقستان-كورەي قاتىناستارى ستراتەگيالىق ارىپتەستىكتىڭ جوعارى دەڭگەيدە ەكەنىن ايتا وتىرىپ، وڭتۇستىك كورەيا قازاقستان ەكونوميكاسىنداعى جەتەكشى شەتەلدىك ينۆەستورلاردىڭ ءبىرى بولىپ تابىلاتىنىنىن دا ءسوز ەتتى. ياعني، 2005 جىلدان بەرى ينۆەستيسيا بويىنشا شامامەن 9،5 ميلليارد اقش دوللارى تارتىلعان. الماتى مەن كورەيا رەسپۋبليكاسى اراسىنداعى تاۋار اينالىمى دا قارقىندى ءوسىپ كەلەدى. بىلتىر بۇل كورسەتكىش 2022 جىلمەن سالىستىرعاندا 21 پايىزعا ەداۋىر ارتىپ، 1،27 ميلليارد اقش دوللارىن قۇراعان بولاتىن.
سونداي-اق مەگاپوليستە وڭتۇستىك كورەيا كاپيتالىمەن بايلانىسا وتىرىپ، 537 كاسىپورىن جۇمىس ىستەپ كەلەدى. ال جالپى قازاقستان بويىنشا جەتى ءجۇز وتىز بەس كاسىپورىن بار. اتاپ ايتساق، كورەيا مەملەكەتىنەن Samsung، KIA، Hyundai، LG، SsangYong، Lotte سەكىلدى تاعى باسقا ءىرى كومپانيالار ۇسىنىلىپ كەلەدى.
جيىن بارىسىندا كورەيانىڭ چۋنچوننام-دو پروۆينسيتياسىنىڭ گۋبەرناتورى كيم تحە حىم ەربولات دوسايەۆقا قوناقجايلىلىعى ءۇشىن العىسىن بىلدىرە وتىرىپ، قازاق جانە كورەي حالىق اراسىنداعى تەرەڭ تاريحي بايلانىستاردى اتادى. كيم تحە حىم ەتنيكالىق كورەي حالقىنىڭ قازاقستانعا قيىن كەزەڭىندە قونىس اۋدارۋىنىنا بايلانىستى كورسەتىلگەن قولداۋلاردى ايتا وتىرىپ، بۇدان كەيىن دە ارىپتەستىكتى نىعايتۋعا قاتىستى پىكىرىن ايتتى.
سونىمەن قاتار چۋنچوننام-دو پروۆينسياسى وڭتۇستىك كورەيا ەكونوميكاسىندا دامۋدىڭ ءىرى لوكوموتيۆى ەكەندىگىنە قاتىستى ەكسپورت كولەمى بويىنشا ساۋدا بالانسى مەن جالپى ىشكى ونىمگە قاتىستىاەكىنشى ورىندا تۇرعانىن ايتادى. قازىرگى تاڭدا چۋنچوننام-دو پروۆينسياسىندا ەلەكترونيكا، كوسمەتيكا، ازىق-تۇلىك تاۋارلارى مەن اۋىل شارۋاشىلىعى، بالىق شارۋاشىلىعىنا قاتىستى وندىرىستەر دامىعان.
جيىن سوڭىندا ەكى تاراپ ىنتىماقتاستىقتى ودان ءارى دامىتۋ ءۇشىن زور الەۋەتتى اتاپ وتە وتىرىپ، ساۋدا-ەكونوميكالىق جانە ينۆەستيسيالىق ءوزارا ءىس-قيمىل مەن تۋريزم، ءبىلىم بەرۋ، جاستاردى قولداۋ سالالارىن ۇلعايتۋ ماسەلەلەرىنە ەرەكشە نازار اۋدارىلىپ كەلەدى. بۇل الماتى قالاسىنىڭ العا قاراي دامۋىنا ۇلەسىن قوسارى انىق.
پىكىر قالدىرۋ